ئاهنگەکا جەماوەری یا مەزن بۆ پشتەڤانیا بهربژێرا ئێزدى “روناک عهلى ئێزدین” ل شاریا هاتە گێران
تۆرا لالش يا راگههاندنێ
ل رۆژا پێنج شەموويێ رێكکەفتی 3 ی ئهيارا 2018 ل ژێر دروشمێ (بلا ئێزدیێن پارێزگەها دهوکێ ژ پەرلەمانێ عیراقێ بێ بەهر نەبن) بنگەهێ لالش تایێ شاریا ب هەڤکاری دگەل تیپا شاریا یا هۆنەری و و لیژنا ناوچا فەیدێ یا PDK و رێکخراوێن شاریا و رۆژهەلات و راستی یێن PDK ب پشتەڤانیا جەماوەرێ خۆراگرێ کۆمەلگەها شاریا و ب ئامادەبوونا ژمارەکا مەزنا بەرپرسێن حکومی و حزبی و رێکخراوێن مەدەنی و مامۆستا و رەوشەنبیرێن سنورێ پارێزگەها دهوکێ رابوون ب گێرانا ئاهنگەکا جەماوەریا مەزن بۆ پشتەڤانیا کچا ئێزیدخانێ پارێزەر “روناک عهلى ئێزدین”بەربژێرا پارتی دیموکراتی کوردستان بۆ پەرلەمانێ عیراقێ ل پارێزگەها دهوک، ب گێرانا چەندین پەنەلێن جۆراوجۆر.
پشتی ماوەیەک رێزگرتن بۆ گیانێ پاکێ شەهیدێن کوردستانێ و سەرکاروانێ وان بارزانیێ نەمر و ئیدریسێ جانەمەرگ رێ و رەسمێن ئاهنگێ دەستپێکرن، ل دەستپێکێ پەیڤا جەماوەری و بخێرهاتنێ هاتە خواندن ژلایێ “شێخ شامۆ” ئەندامێ پەرلەمانێ کوردستانێ و سەرۆکێ دەستەیا بلندا بنگەهێ لالش کو تێدا ئاماژە ب چەندین خالێن گرنگ دا و گۆت بەربژێرا مە روناک علی کچا خانکێ یە و خوارزیا شاریا یە دڤێت ب دەنگێن خۆ رێکەنە پەرلەمانێ عیراقێ ب دەنگدانێ ب لیستا پارتی یا ژمارە ( 184) و بەربژێرا وێ یا ژمارە (13) بۆ بەرەڤانیکرنێ ژ مافێن ئێزدیان، ژلایەکی دیڤە پەیڤەک هاتە خاندن ژلایێ بەرێز “سەربەست تروانشێ” ئەندامێ سەرکردایەتیا پارتی دیموکراتی کوردستان و بەرپرسێ لقا 1 یا پارتی و دەپەیڤا خۆدا ئاماژە خستە سەر دیرۆکا خەباتا پارتی دیموکراتی کوردستان و قوربانیدانا پارتی ژبۆ پاراستنا ئاخا پیرۆزا کوردستانێ و پێکهاتێن کوردستانێ و داخوازکر جەماوەرێ خوراگرێ شاریا و دەڤەرێن ئێزدیان بچنە سەر سندۆقێن دەنگدانێ ل 12/5/2018 بۆ سەرکەفتنا لیستا پارتی و کاندیدێن وێ.
هەروەسان پارێزەر “روناک عهلى ئێزدین” هاتە خواستن بۆ سەر دەپێ شانویێ بۆ پێشکێشکرنا پەیڤەکێ، دپەیڤا خودا سوپاسیا جەماوەرێ شاریا کر بۆ ڤێ پشتەڤانیکرنێ و ئاهنگا قەشەنگ، ژلایەکی دیڤە سۆزدا ئەگەر هات و ب سەرکەفت ببتە جهێ باوەریا وان بۆ دەستڤە ئینانا مافێن ئێزدیان و داخوازکر دەنگێ خۆ بدەنە لیستا 184 و ژمارە 13.
د پەنەلەکی دی یێ ئاهنگێدا (تاپلویا جوتیار) ژلایێ تیپا شاریا یا هونەری هاتە نمایشکرن دگەل سترانەکا فلکلۆری.
پاشی چەندین ستران هاتنە گوتن ژلایێ سترانبێژێن گەنج و دەنگخۆش رۆمی هەرکی، فەرسەت غزالی و حسێن عەگید و ل داویا ئاهنگێ دیلان هاتە گێران ب حەماسەکا مەزن ژلایێ ئامادەبوویان دگەل گوتنا سترانا.
تُتاح هذه الصورة أيضا في: کوردی