شێخ شامۆ:كورسیكا كوتا یا ئێزدیان ل پەرلەمانێ عێراقێ بۆ جوداكرنا ئێزدیانە
تۆرا لالش یا راگەهاندنێ
نوونەرێ كوردێن ئێزدی ل پەرلەمانێ كوردستانێ و سەرۆكێ دەستەیا بلندا بنگەهی لالش یێ رەوشەنبیری وكۆمەلایەتی دیاركر،كورسیكا كوتا یا ئێزدیان ل پەرلەمانێ عێراقێ چوو خزمەتا ئێزدیان ناكت،بتنێ ل بەغدا كاردكت ئێزدیان جودا بكت.
شێخ شامۆ، نوونەرێ كوردێن ئێزدی ل پەرلەمانێ كوردستانێ و سەرۆكێ دەستەیا بلندا بنگەهی لالش یێ رەوشەنبیری وكۆمەلایەتی بۆ رۆژناما ئەڤرۆ دیاركر:”كورسیكا كوتا یا ئێزدیان ل پەرلەمانێ عێراقێ چوو خزمەتا ئێزدیان ناكت بتنێ ل بەغدا كاردكت ئێزدیان جودا بكت سالا(2014)وەرە كوردێن ئێزدی ل شنگال وباشیك وبەحزانێ و گەلەك دەڤەرێن دێ یێن دەشتا نەینەوا ئاوارەبوون ل هەرێما كوردستانێ ئاكنجیی بوون،ڤێ كورسیكا كوتا یا ئێزدیان ل بەغدا نكاریە ئێك ئەمپێرا كارەبێ ژی بۆ ئاواران دابین بكت پێتڤیە هەموو دەنگدەرێن ئێزدی تێبگەهن كیە خزمەتا وان دكت كی دێ ل پاشەرۆژێ خزمەتا وان كت ودەنگدەرێن مە خۆ ژ پرۆپاكندێن بێ بنەما یێن گرۆپ ولایەنێن سیاسی ل دەشتا نەینەوا دوور بكن”.
ئاشكەرا كر:” گەلەك لایەن كار لسەر دەستڤەئینانا دەنگێن ئێزدیان دكت لێ ئێزدی گەهشتینە وێ باوەری ئەو لایەن چوو خزمەتا وان ناكت بتنی لیستا (184) دێ خزمەتا ئێزدیان كت دێ دەنگدەرێن ئێزدی دەنگ ب لیستا پارتی دەن،چنكو ڤێ لیستێ زۆر پشتەڤانی وخزمەتا ئێزدیان كریە”.
شێخی ئاماژە ب وێ چەندێ دا هندەك كاندیدێن ئێزدیان بسەر لایەنێن سیاسی ڤە ب تایبەتی ژی ل قەزا شنگال ئێزدیاتی یا بخۆ كرینە مەرتال پێ بچنە ناڤ پەرلەمانێ عێراقێ،دا ب رێیا بەرنامەیێن خەیالی یێ كاردكن دەنگدەرێن ئێزدی بێتە خاپاندن.
نوونەرێ كوردێن ئێزدی ل پەرلەمانێ كوردستانێ گۆت:” ئەڤە چەندین سالن ئێزدیان كورسیكا كوتا ل پەرلەمانێ عێراقێ ئەم پسیار دكەین وی كورسیكێ بۆ ئێزدیان چ كریە بتنێ ئەو كورسی بۆ جوداكرنا ئێزدیان دئێتە بكارئینان نهۆ ژی لبن كراسێ ئایینی هەولدان دئێنە كرن فەرمانەكا دی بسەرێ ئێزدیان بێت،ئەم داخوازێ ژ دەنگدەرێن ئێزدی دكەین دهۆشیاربن دەنگی ب وی لایەنی نەدەن یێ ژ خزمەتكرنا ئێزدیان د رەڤت”.
شێخ شامۆ ئەوژی دیاركر،ب مخابنی ڤە هندەك كاندید كراسێ ئایینی بكاردئینن وان دڤێت بتنێ خۆ ب رێیا كراسێ ئایینی بگەهیننە پەرلەمانێ عێراقێ هندەك كاندیدێن ئێزدیان ل شنگال و دەڤەرێن دی ژی دروشمێن وەسا مەزن داناینە چوو دەستهەلات ژی نكارن بجه بینن وهەولدەن ب وان دروشمێن ئایینێ ئێزدیان خۆ بگەهینە پەرلەمانی ئەڤە نابت بێتە كرن وپێتڤیە دەنگدەرێن ئێزدی دهۆشیاربن ودەنگ ب وان كەسان نەدەن یێن خزمەتێ نەكت،بتنێ دروشم وبەرنامە هەبن ونكارت بەرنامە ودروشمێن خۆ بجه بینت.
تُتاح هذه الصورة أيضا في: کوردی