بنگەهێ لالش یوبیلا خۆ یا زیڤی ساخ دكت ودەست ب قۆناغەكا دی دكت
_گهۆرینا هندەك كار وچالاكیێن خۆ پشتی بوویەرێن شنگال 
_داخوازێ ژ ئێزدیا دكەین پشكداریەكا مەزن دهەلبژارتنێن پەرلەمانێ عێراقێ دا بكەن
_رێبازا پیرۆزا بارزانی وەفاداریا گەلێ كوردستانێ یە
ئەڤە(25)سال ل سەر دامەزراندنا بنگەهێ لالش یێ رەوشەنبیری وكۆمەلایەتی را بۆرین و ئێزدی دوەرچەرخانەكا دیرۆكی یە گرنگ دا دبۆرن . و دڤێ قۆناغەكا نازك وهەستیار را ب تایبەت پشتی هاتنا داعش بۆ شنگال ودەشتا نەینەوا زەرەرا هەرە مەزن ب ئێزدیان كەفت، و ژئەنجامێن ڤێ چەندێ نێزیكی(100)هەزار ئَیزدی بەرەڤ ئەورۆپا كۆچ بوون و نێزیكی(400)هەزارێن دی تا نهۆ دبارودۆخەكی سەخت و دژوار را دەرباز دبن كو ژیانا خۆ دناڤا چادر وكاڤلان دا ل هەرێما كوردستانێ دبۆرینن.
ل دەمەكی كو ئەم ب هەلكەفتا یوبیلا خۆ یا زیڤی یا دامەزراندنا بنگەهێ لالش شا ببین ،فەر دبینین سوپاسیێن بێ سنوور ئاراستەی سەرۆك مسعوود بارزانی بكەین ،ژبەركو هەر ژ دەمێ دامەزراندنێ تا نهۆ بەردەوام پشتەڤانی وهاریكاریا بنگەهێ مە كریە،هەروەسا سوپاسیێن مە بۆ سەرۆكێ حكومەتا كوردستانێ بەرێز نێچیرڤان بارزانی هەنە ژبەر هاریكاریا وی یا بێ سنور ل گەل بنگەهێ مە.
هەژیە بێژین كو بنگەهێ مە بوویە مەزنترین دەزگەه لسەر ئاستێ كوردستانێ وعێراقێ ژلایێ ژمارا ئەندامان ڤە كو پتریا وان خودان باوەرنامەنە زێدەباری ب دەها تایی ونڤیسنگەهێن سەر ب مەڤە ،ژبلی وان چالاكیێن بێ هژمار لەسەر ئاستێ رەوشەنبیری وسیاسی وكۆمەلایەتی تا كو یێن خزمەتگۆزاری بۆ خەلكێ مە هاتینە ئەنجام دان ، زێدەباری دەرئێخستنا گۆڤار ورۆژنامە وچاپكرنا پەرتۆكا دا كو ژ دوور ونێزیك تاكەكەسێ ئێزدی هایداری رەوشا ئیرۆ بت و نەهێلانا وان پروپاكندا یێن كو كەسایەتی و بیروباوەرێن ئێزدیا تێكددەن ژبەر كوردایەتیا وان یا رەسەن.
سەرەرای ڤێ چەندێ ئارمانجا مە ئەوە كو ئەم چالاكیێن خۆ نمایشكەین ژبەر وێ خزمەتا بۆ هەموو تەخ وچینا هاتیەكرن،بەلێ ئەم دووپات دكەین كو دێ ل دووڤ وی پەیرەوپرۆگرامێ چین یێ بنگەه لسەر هاتیە دامەزراندن و لالش هەر دێ مینت كانیەكا زەلال ودهورتە درۆبارێ رەوشەنببریا كوردی دا ،هندەك چالاكیێن بنگەهی یێ كو ل چارێك چەرخێ ڤەكێشایی ژبەر رەوشا دەڤەرێ ب گشتی وئێزدیا ب تایبەتی هاتینە گوهۆرین ، ژبەركو كاودانێن شنگال گەلەك دیمەنێن دل ئێش ونەچاڤەرێكری پەیداكرن، لەورا ئەم نەچاربووین چەندین كارو بزاڤێن خۆ دناڤ كەمپان دا ئەنجام ب دەین ژبۆ هاریكاریا خەلكێ خۆ وهەروەسا كارگێریا بنگەهی بەرێز شێخ شامۆ دەست نیشانكر بۆ چەندین كۆنگرا ل ژدەرڤەی وەلاتی ژبۆ وێ كارەساتا ب سەرێ ئێزدیان هاتی ببتە جینۆساید ژبەركو ئەم بەشەكی گرنگین ژ گەلێ كوردستانێ.
دەربارەی راپرسینێ ژی یا كو (93%)خەلكێ كوردستانێ ب بەلێ دەنگێ خۆ دای مە هەلویستێ خۆ هەبوو وهەژیە بێژین كو راپرسی بوو بەلگەكی دیرۆكی د دەستێن سەركردایەتیا كوردستانێ دە وئەم دووپات دكەین بۆ خەلكێ خۆ دا ژ ئەنفال و نەخۆشی و دەردەسەریا قورتال بن رێبازا پیرۆزا بارزانی بەرنەدەن.
وهەژی گۆتنێ یە پرۆسێسا هەلبژارتنێن پەرلەمانێ عێراقێ و دامەزراندنا بنگەهێ لالش دكەڤنە ل گەل ئێك ئەم دخوازین تەڤ ئێزدی وهەڤالێن و لایەنگرێن مە ل وەلاتی وژدەرڤەی وەلاتی پشكداریێ د دەنگدانێ دە بكن و دەنگ بدەنە لیستا (184)لیستا پێشمەرگێ قارەمان وپارتی دیموكراتی كوردستان ، نابت ئەم وان رۆژا ژبیركەین دەمێ سەركردایەتیا كوردستانی و خەلكێ كوردستانێ ب هەلویستێ خۆ رابوین و ئاوارەیێن ئێزدی ڤەحەواندین.
وئەم وێ پەیامێ دووپات دكەین یا سەرۆكێ حكومەتا كوردستانێ نێچیرڤان بارزانی ل كەرنەڤالا پشتەڤانیا لیستا (184)ل دهۆكێ ئاراستەكری و گۆتی”ئێزدی دتەنگاڤیا دە هاتنە كوردستانێ چونكی جهێ وانە ومافێ وانە هەر داخوازیەكێ ژمە بكن و ئێش و ئازارێن وان ئێش و ئازارێن مەنە ومە دڤێت شنگال ببتە پارێزگەهەكە سەربەخۆ وئێزدی بچنە پەرلەمانێ عێراقێ دا بكارن داخوازا مافێ كوردا وشنگالێ بن “. ئەم وەك بنگەهێ لالش دێ پێگریێ ب ئاخفتنا جەنابێ وی كەین ودخوازین ئەوا جەنابێ وی گۆتی ب دەستڤە بێت، ژبەركو گەلەك نەخۆشیێن مە چارە دكت و هەروەسا هاریكاریا وی یا بەردەوام بۆ رزگاركرنا كچ وژنێن ئێزدی نائێتە ئینكاركرن زێدەباری چاڤدێری و دووڤچۆنا گۆرێن بكۆم.
ئەم داخواز دكەین بەردەوام هاریكاریا ئاوارا بێتە كرن وداكۆكی ل رێكخراوێن نێڤ دەولەتی بێتەكرن كو ئەڤ كارەسات ببتە جینۆساید.
سلاڤ بۆ گیانێ شەهیدێن كارەساتا شنگال
سلاڤ بۆ گیانێ پێشمەرگێ قارەمان ئەوێن گیانێ خۆ كرینە قوربانی بۆ رزگاركرنا شنگال و باشیك و بەحزانێ و دەڤەرێن دیتر،سلاڤ بۆ تەڤ هەڤال و پشتەڤان ودامەزرینەرێن بنگەهێ لالش.
دەستەیا بلندا بنگەهێ لالش/دهۆك
9ی ئەیارا 2018
تُتاح هذه الصورة أيضا في: کوردی