نیشانگەها شێخێ زەری ل كۆمەلگەها مەهەتێ پێتڤی نووژەنكرنێ یە
تۆرا لالش یا راگەهاندنێ
نیشانگەها شێخ بابك ناڤدارە ب ( كانیا شێخێ زەری) ل گوندێ بێتنارێ دكەفتە كۆمەلگەها مەهەتێ پیرۆزیەكا مەزن دناڤا ئێزدیاتیێ دا هەیە،كو رۆژانە ئێزدی قەست دكەنێ بۆ چارەسەری و برینا نەزەرێ، دنهۆ دا ئەڤ جیێ پیرۆز پێتڤی ب نووژەنكرنێ هەیە.
بەرپرسێ نڤیسینگەها لالش ل كۆمەلگەها مەهەتێ(مەهدی حەسەن موراد) بۆ دەنگێ لالش راگەهاند، ل سالا (١٩٧٥)ێ ئەرەبا دەڤەرا مە تەعریبكر ئەڤ گوند و جیێ پیرۆز (٢٧) سالا د دەستێ ئەرەبا دابوو وهاتیە وێرانكرن ل وی سەردەمی ،لێ پشتی ئازادیا عێراقێ و دەڤەرێن مە رزگاربووین مجێورێ گوندێ بیتنارێ (فەقیر خێری جندی) وگوندیا لدووڤ شیانێن خۆ تا رادەیەكی سەخبێركریە،نیشانگەها شێخێ زەری و كانیاشێخێ زەری یا شێخ بابكێ زەری یە پیرۆزیەكا مەزن دناڤا ئێزدیاتیێ و خەلكێ باسكێ شێخا ب تایبەت و ئێزدیان ب گشتی هەیە رۆژانە تێنە ڤی جیێ پیرۆز بۆ برینا نەزەرێ بۆ ساخی و سلامەتیەكا بەردەوام پشتی ب دلەكی پاقژ قەست دكەنێ ب ئاڤا كانیێ دەست و چاڤێن خۆ پاقژ دكن و ژێ ڤەدخۆن و مجێور داخوازا دوعایان بۆ بۆ پاراستنا وان دكت و گۆت:((دنهۆ دا نیشانگەه گەلەك بێ سەروبەرە و پێتڤی ب نووژەنكرنێ هەیە،هەر چەندە وەك نڤیسینگەها لالش مە سەرەدانا ڤی جی كریە و ڤەدیتنەك ژلایێ ئەندازیارەكیی ڤە هاتیە بەرهەڤكرن بۆ دەستەیا بلندا بنگەهێ لالش ل دهۆكێ بلنكریە بۆ بەلكی نووژەنكرنێ)).
خویاكر ژی ل ڤان سالان رێژەكا زۆر ژ ئێزدیان قەستا ڤێ كانیا نەزەرێ دكن بۆ چارەسەریێ،بەلێ گازندا وی خەلكێ هەر ئەو بوویە ئەڤ جی بێتە نووژەنكرن ڤە.
دناڤا جڤاكێ ئێزدیان دا ل هەر گوند و كۆمەلگەهەكێ نیشانگەهەكا خاسەكی یان باب چاكەكی یان مەزارگەهەكی پیرۆز لێ هەیە،ئێزدی ب گشتی ب چاڤەكی پیرۆز بەرێ خۆ د دەنێ وگرنگیەكا زۆر پێ ددەن.
تُتاح هذه الصورة أيضا في: کوردی