سالڤه‌گه‌را دكتۆر”سه‌يدۆ” ل بنگه‌هێ لالش ل دهۆكێ هاته ساخكرن
تۆرا لالش يا راگه‌هاندنێ
دوهى رۆژا پێنج شه‌مبوويێ 28ى حوزه‌يرانێ ب دله‌كى خه‌مگين ڤه بنگه‌هێ لالش تايێ سنوونێ و نڤيسينگه‌هێن بسه‌ر ڤه ب هه‌ماهه‌نگى دگه‌ل گرۆپێ هيڤى،سالڤه‌گه‌را خودێ ژێ رازى دكتۆر “سه‌يدۆ ئلياس خوستى” ل هۆلا بنگه‌هێ لالش ل دهۆكێ ب چه‌ندين برگان ساخكر.
ل ده‌ستپێكێ ئاماده‌بوويى خۆله‌كه‌كێ لسه‌ر گيانێ جانگۆريێن كورد و كوردستانێ و جينۆسايدا شنگال و خودێ ژێ رازى سه‌كنين،پاش كۆمه‌كا گه‌نجان شه‌مال ل به‌رامبه‌ر وێنێ وى هه‌لكرن و جيێن ئاهه‌نگا ماته‌مينى ئه‌نجام دايى و كه‌س و كارێن وى تاجا گولان دانان.
هه‌روه‌سا كۆمه‌كا هه‌ڤكارێن وى يێن نۆژدار گول لسه‌ر وێنێ وى دانان و پاشى به‌رێز”سلێمان فانۆ” په‌يڤه‌ك ژپێش بنگه‌هێ لالش تايێ سنوونێ و گرۆپێ هيڤى ڤه پێشكێشكر،لدوڤدا هۆزان و سترانێن خه‌مگين ژبال چه‌ند هۆزانڤانان ڤه هاتنه گۆتن و كورته فلمه‌ك لسه‌ر ژيانا خودێ ژێ رازى هاته نيشاندان.
ل داويا ئاهه‌نگا ماته‌مينى په‌يڤا خێزانێ ژبال دكتۆره به‌سمه خوشكا خودێ ژێ رازى ڤه هاته گۆتن.
ل رێككه‌فتى 28/6/2017ێ ژ ئه‌گه‌رێ خه‌ندقينێ درووباره‌كى دا ل نێزيك باژێرێ زاخۆ دكتۆر سه‌يدۆ ئلياس گيانێ خۆ ژ ده‌ست دابوو.
تُتاح هذه الصورة أيضا في: کوردی