13هەزار خێزانێن ئاوارە ڤەگەریاینە شنگال
تۆرا لالش یا راگەهاندنێ
پشتی روودانێن (16)ی ئوكتۆبەرێ ڤەگەریانا ئاوارێن شنگالێ بۆ سەر مال و حالێ خۆ سست بوویە،لدوڤ ئامارەكێ ژی هەتا نهۆ نێزیكی(13)هەزار خێزان ڤەگەریاینە شنگالێ.
رێڤەبەرێ ناوچەداریا سنوونێ(نایف سەیدۆ) بۆ رۆژناما دەنگێ لالش راگەهاند،هەر ژ رۆژا (16)ی ئوكتۆبەرا سالا(2017) ئەو روودانێن چێبووین و هاتنا سوپایێ عێراقێ و حەشدا شەعبی بۆ شنگالێ ژمارا خێزانێن ئاوارە یێن ڤەگەریاینە سنوونێ و شنگالێ هەر وەكی خۆ مایە و كێم و زێدە نەبوویە كو هەتا نهۆ(10)هەزار خێزان ڤەگەریاینە سنوونێ و دبت نێزیكی سێ هەزار خێزانا ڤەگەریابنە ناڤ سەنتەرێ شنگالێ،چنكو ئامارەكا سەر راست لدوڤ ژمارا وان لبەر دەست نینە،دیسان گرتنا رێیا شنگال بۆ دهۆك دەڤەرا مە یا دوورپێچكریە لەوا زڤرینا ئاواران سست بوویە و دوێ باوەریێ دام ئەگەر رێ بێتە ڤەكەرن و پێشمەرگە ڤەگەرتە شنگال ڤە و لدوڤ پەیوەندیێن خەلك ب مە دكن خەلك ژ رەوشا نهۆ یا دەڤەرێ درازی نینن و خەلكێ سەرەدەریا حەشدا شەعبی دیت و ژ كارێن وان درازی نینن،لەورا داخواز دكن پێشمەرگە ڤەگەرتە ڤە.
سەیدۆ ئاشكەراكر ژی ئەگەر پێشمەرگە و سوپایێ عێراقێ لژنێن هەڤبەش پێك ئانین و یاسا بكاربت و گرۆپێن چەكدار نەمینن و خەلك ژلایێ حكومەتا عێراڤێ ڤە بێنە قەرەبووكرن،هنگی ئاوارە دێ دەست ب ڤەگەریانێ كن بۆ سەر دەڤەرێن خۆ.
تُتاح هذه الصورة أيضا في: کوردی