شێخ شامۆ:رێژا 80% ئێزدی دگەل پارتی نە
باسنيوز:
سەرۆكێ دەستەیا بلندا بنگەهی لالش یێ رەوشەنبیری وكومەلایەتی ل پارێزگەها دهۆكێ دیار كر: “ئێزدیان بەدیلێ پارتی دیموكراتی كوردستان و لیستا پارتی لیستا 183 نینە رێژا 80% ئێزدی دگەل پارتی نە”.
شێخ شامو سەرۆكێ دەستەیا بلندا بنگەهی لالش یێ رەوشەنبیری وكومەلایەتی ل پارێزگەها دهۆكێ بۆ(باسنیوز) دیار كر: “بۆ هەلبژارتنێن پەرلەمانێ كوردستانێ یێ خولا پینجێ ژی ئێزدیان كاندیدا خوە ل سەر لیستا پارتی لیستا 183ی هەیە. دەڤەرێن ئێزدیان ورێكخستن و قوربانیدانا و سیاسەتا ئێزدیان یا ناڤ كوردستانێ دا هەموو دگەل پارتی دیموكراتی كوردستان بوویە. ئەم دگەل پارتی نە وهەكە ئەم مەغدور ژی بن ئەم مەغدوریا خوە ژ پارتی دخوازن، چونكو 80% ئێزدی دگەل پارتی نە. مە دڤێت ئەم پێنگاڤەكی پێشڤەبچن ومەغدوریا خو بخازن چونكو ئەم قلقێ دانە نەكو بهێت ودەنگێن ئێزدیان تێرا كورسیكەكا پەرلەمانێ كوردستانێ نەكەن، نەكو ئەم بێ بەهربن ژ پەرلەمانێ كوردستانێ زیانا مەزن دگەهتە هەموو لایەنان”.
خویا ژی كر: “ژ مە دهێتە خواستن ئەم وژدانا خو رازی كەن دەرهەقێ كاندیدا خوە ئێزدی و ئاخا وقوربانیا خوە. ئەم دیسا بێدەنگ نەبن بچنە سەر سەندۆقێن دەنگدانێ. هەر تشتەكێ هەیی، تەسلیمی سەندۆقێن دەنگدانی بكەن بۆ لیستا 183 . هەكە دەنگێن مە تێرا كورسیكا ئێزدیان نەكەن ل وێ دەمێ گازندیا مە ژ پارتی یە، یان پێدڤیە بهێتە تەمامكرن ئەم بێ بەهر نەبن ژ پەرلەمانێ كوردستانێ”.
ئاشكرا كر: “د چار سالێن بۆرێدا بابەتێ جینۆسایدكرنا ئێزدیان بابەتەكی گەرم بوویە. ئەم هاتینە جینۆسایدكرن، هەر شاندەكی بهێتە هەرێما كوردستانێ پسیارا ئێزدیان دكەت ودەمێ ئەڤ شاند دهێنە پەرلەمانێ و ئێزدی تێدا نەبن هینگێ بۆ ڤێ پرۆسەیا دیموكراسی یا خەلكێ ناسكری ل كوردستانێ باش نینە، بۆ ئێزدیان ژی تشتەكی خرابە”.
تُتاح هذه الصورة أيضا في: کوردی