بنگەهێ لالش: بتنێ پارتى دكارت ڕێبەریا گەلێ مە بکت، دەنگێ مە بۆ لیستا ١٨٣یە
دهۆک-KDP.info-
ئەڤرۆ، بنگەهێ لالشێ ڕەوشەنبیری و جڤاکی ل پارێزگەها دهۆکێ، د کۆمبوونا خۆیا ئاسایی دا وەک هەرجار پشتەڤانی بۆ پارتی دیموکراتی کوردستان دیارکرن نها ژی ب هەموو شێوەیان دێ کار ژبۆ سەرخستنا لیستا ١٨٣ـێ کەن.
پارتی دیموکراتی کوردستان ب دروشمێ ئاڤاکرنا کوردستانەکا ب هێز و ب ژمارا ١٨٣ـێ پشکداری د هەلبژارتنێن پەرلەمانی کوردستانێ دا دکەت.
د ڤی بیاڤی ژی دا، شێخ شامۆ شێخۆ، سەرۆکێ بنگەهێ لالشێ رەوشەنبیری و جڤاکی د داخویانیەکێ دا بۆ ماڵپەرێ فەرمیی یێ پارتی دیموکراتی کوردستان خویاکر، وەک بنگەهێ لالش هەردەم ئەڤ ئەرکی ب پیرۆز دبینن کو کار بۆ سەرکەفتنا لیستا مە لیستا ١٨٣ـێ دا بکەین، چونکە لیستا خوینا شەهیدانە و لیستا ئاڤەدانیا هەرێمێ یە.
ناڤهاتی دیار ژی کر، بنگەهێ لالش هەردەم ل سەر پرسێن چارەنڤیساز ل گەل پارتی دیموکراتی کوردستان بوویە و چونکی پارتی و سەرۆک بارزانیە دشێن ڕیبەریا گەلێ مە بکەن.
ئەو یەکە ژی گۆت:” بنگەهێ لالش د ڤان هەلبژارتنان دا ژی دێ کار ژبۆ سەرخستنا لیستا ١٨٣ـێ یا پارتی دیموکراتی کوردستان کەت، چونکی ب باوەریا مە پارتی دشێت د هەموو کاودانان دا پشتەڤانێ سەرسەختێ گەلێ مە بیت.”
د ئامانجێن پارتی دیموکراتی کوردستان دا کار ژبۆ پاراستان ئاین و ئاینزایێن هەرێمی دکەت و کار بۆ بەلاڤکرنا فەرهەنگا پێکڤە ژیان و لێبۆردەیا ئاینی و نەتەوەیی دکەت.
تُتاح هذه الصورة أيضا في: کوردی