کەمپـــا چـەم مشـــکۆ: ئيسالە ٩ بوویەرێن ئاگربەربوونێ پەیدابووينە و کەسەکى گیانێ خۆ ژ دەستدایە
بورها:
لدیف بەرنامەکێ ڕێکخستی یێ کارگێریا کەمپێ ب ھەماھەنگی دگەل گڕوپێ(ھێڤێ) یێ خوبەخشان ، ھەوەکا ھوشیارکرنا وەلاتیان ژ بویەرێن ئاگر بەربونێ دەستپێکر ، مەئمون یحیا ، ڕێڤەبەرێ کەمپا نافھاتی بو مالپەڕێ بوڕھا ڕاگەھاند ، کو دماوێ ئەڤ سالەدا ٩ چادر ھاتنە سوتن ب سەدەمێن بویەڕێن ئاگڕ بەربونێ و د ڤان ڕویداناندا کەسەکێ ٧٠ سالی گیانێ خو ژ دەست دایە و زیانێن ماددی ب مالێن وان گەھشتینە.
فەیسەل خانەسوری ، بەردەفکێ گڕۆپێ ھیڤی بو ھەمان ژێدەر خویاکر ، کو ئەڤ ھەوە دێ بو ماوێ ٢٠ ڕۆژان بەردەوام بت ھەتاکو ڕۆمالا کەمپێ ھەمیێ بکەن ،
ھەروەسا خانەسوری دازانین ژی کو ئەڤە بو ماوێ چار سالانە پرانیا بویەرێن ئاگر بەربونێ بسەدەما کارەبێ پەیدا دبن ژ بەر ڤێ یەکێ ڕێنماێن خوپاراستنێ ژ وایر و پلاکێن کارەبێ یێن د ناڤ چادرێ دا ب خەلکێ تێنە دان داکو خەلکێ ھشیار بکن داکو سەر و مالێن وان بێنە پاراستن ژ ھەر بویەرەکا نەچاڤەڕێکری .
ژ ھەژی ئاماژەپێکرنێ یە کو گڕۆپێ ھیڤی گڕۆپەکێ خوبەخشی کارگێریا کەمپێ یە ژ ھەژمارەکا کچ و کوڕێن کەمپێ پێکھاتینە ژ بو ھەر ھەلکەفتەک و بیرەوەری و کارەکێ پێ بێنە ڕاستپاردن ب خو بەخشانە کار دکەن .
تُتاح هذه الصورة أيضا في: کوردی