ل ههولێرێ فلمهكى دكيۆمێنتى لسهر ئێزديان هاته نيشاندان
تۆرا لالش يا راگههاندنێ/ههولێر
ل باژێرێ ههولێرێ فلمێ دكيۆمێنتى(خێزانهكا ئێزدى دژى داعش) هاته نيشاندان،كو بهحسێ ئازارێن خێزانهكا ئێزدى ههر ژ پهقينێن گرعزێر و سيبا شێخدرێ ل سالا 2007ێ ههتا هاتنا داعش بۆ شنگال دكت.
ل رێككهفتى 28/10/2018ێ ل فاملى مۆل ل باژێرێ ههولێرێ ب ئامادهبوونا بهرێزان”هێمهن ههورامى” و”عهلى عهونى” ئهندامێن سهركردايهتيا پارتى ديموكراتى كوردستان و ژمارهكا كهسايهتيان و”عهزيز شهركانى” نوونهرێ بهرێز”شێخ شامۆ”سهرۆكێ دهستهيا بلندا بنگههێ لالش يێ رهوشهنبيرى فلمێ دكيۆمێنتى(خێزانهكا ئێزدى دژى داعش) يێ دهرهێنهرێ بريتانى “كوين روبرتس” هاته نيشاندان كو بهحس ل ئازارێن خێزانهكا ئێزدى ههر ژ پهقينێن گرعزێر و سيبا شێخدرێ ل سالا 2007ێ و ژ دهستدانا ئێك ژ ئهندامێن خێزانێ ههتا هاتنا داعش بۆ شنگال و كوشتنا بابێ و سێ خووشك و برايان و گرتنا چارێن دى ژ خێزانێ و ئازارێن كهسێن ژ خێزانێ ماين و ژيانا ل كاڤلێن نه تهمامكرى دا ل دهمێ ئاوارهبوونێ دا و رزگاركرنا ههرچار گرتيێن وان بهرامبهر كوژمهكى دراڤى و گههشتنا وان بۆ باژێرێ شتوتگارد يێ ئهلمانيا و دهستپێكرنا ژيانهكا نوو دكت.
تُتاح هذه الصورة أيضا في: کوردی