ئاوارێن چیایێ شنگالێ پێتڤی ب هاریكاریانە
تۆرا لالش یا راگەهاندنێ
لگەل هاتنا وەرزێ سەرمایێ،ئاوارێن چیایێ شنگالێ د رەوش و ژیانەكا سەخت دان و پێتڤی ب هاریكاریانە و حكومەتا عێراقێ ئاگەه ل رەوشا وان نینە.
رێڤەبەرێ ناوچەداریا سنوونێ(نایف سەیدۆ) بۆ رۆژناما دەنگێ لالش راگەهاند،لگەل هاتنا وەرزێ سەرمایێ،ئاوارێن سەرێ چیایێ شنگالێ رووبرووی زۆر كێشان بووینە و حكومەتا عێراقێ ئەڤە ماوێ چار سالایە ئاگەه ل رەوشا وان نەبوویە و هاریكاریا وان ناكت و گۆت:((پشتی نەمانا داعش ل دەڤەرێ دا ئەو ئاوارێن لسەرێ چیایێ شنگالێ ژ ترسا حەشدا شەعبی نەوێرن بزڤرنە ناڤ باژێری چنكو دێ رووبرووی پێشلكاریان بن)).
سەیدۆ رۆنكر ژی ئەو ئاوارێن ل چیایێ شنگالێ ماین نهۆ درەوش و ژیانەكا دژوار دان و پێتڤی ب هاریكاریێن بلەزن،د دەمەكی دا پشتی هاتنا حەشدا شەعبی بۆ دەڤەرێ ژمارا رێكخراوێن مافێن مرۆڤی د كێمبوونێ دایە.
تُتاح هذه الصورة أيضا في: کوردی