لافاو مه‌ترسى لسه‌ر به‌نداڤا مام شڤان په‌یداكر
باسنيوز:
رێڤه‌به‌رێ به‌نداڤا مام شڤان ل كۆمه‌لگه‌ها خانكێ راگه‌هاند، ژ ئه‌گه‌رێ بارانێن زۆر و لافاوان د ماوێ 24 ده‌مژمێرێن بۆرى دا، مه‌ترسیه‌كا مه‌زن ل سه‌ر به‌نداڤا مام شڤان په‌یدا دبیت و چو نه‌مایه دێ په‌قیت.
ئاڤده‌ل بیبۆ، رێڤه‌به‌رێ به‌نداڤا مام شڤان ل كۆمه‌لگه‌ها خانكێ سه‌ر ب قه‌زا سێمێلێ ڤه، بۆ (باسنیوز) دیار كر، ژ ئه‌گه‌رێ بارانێن زۆر، زیان ب به‌نداڤا مام شڤان كه‌فتینه و به‌نداڤ پڕى ئاڤ بوویه و مه‌ترسى ل سه‌ر هه‌رفینا وێ په‌یدابوویه و ئه‌م ژ هندێ دترسین ئه‌گه‌ر زێده‌تر باران بهێن ئه‌ڤ به‌نداڤه ب په‌قیت.
ئاشكرا ژى كر كو نها ئاڤا ئومباركرى یا به‌نداڤێ ژ قه‌بارێ وێ یێ ده‌ستنیشانكرى و ستاندارد زێده‌تر لێ هاتیه و ئه‌م كار تێدا دكه‌ین بۆ كێمكرنا ئاڤا وێ و گۆتیشى: ئه‌ڤ به‌نداڤه دكه‌ڤیته گۆندێ مام شڤان ل كۆمه‌لگه‌ها خانكێ و به‌رى 5 سالان هاتیه ژێكرن و ئاڤا وێ بۆ پرۆژه‌یێن چاندنێ دهێته بكارئینان.
تُتاح هذه الصورة أيضا في: کوردی