په‌رتۆكه‌ك ل بنگه‌هێ لالش ل دهۆكێ هاته به‌لاڤكرن
تۆرا لالش يا راگه‌هاندنێ/دهۆك
ئيرۆ شه‌مبوويێ 15ى كانوونا ئێكێ 2018ێ ب ئاماده‌بوونا ژماره‌كا كه‌سايه‌تى و ره‌وشه‌نبيران، ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى ل دهۆكێ رێوره‌سمێن ناساندن و ئيمزاكرنا په‌رتۆكا(ئێوه ته‌نيا ته‌ماشا ده‌كه‌ن..چيرۆكى ئه‌و منداله ئێزديانه‌ى له ده‌ست داعش رزگاريان بوو) گێران.
ل پێشيێ وه‌ك رێزگرتن بۆ گيانێ جانگۆريێن كوردستانێ و سه‌روه‌رێ وان بارزانيێ نه‌مر ئاماده‌بووى خۆله‌كه‌كێ سه‌كنين،ل پێرا رێوره‌سمان ده‌ستپێكرن و خانم “شه‌م به‌رهه‌م” نڤيسه‌را په‌رتۆكێ په‌يڤه‌ك پێشكێشكر و دياركر” كوردێن ئێزدى د گه‌له‌ك نه‌خوشیان دا ده‌رباز بووینه له‌ورا ئه‌و هه‌موو نه‌خۆشیه لسه‌ر زارۆكێن وان دا بۆرینه له‌ورا من هزر د دروستكرنا په‌رتۆكه‌كێ كریه كو لسه‌ر زاروكێن كوردێن ئێزدى یه و د ناڤ به‌رپه‌رێن په‌رتۆكێ دا ژماره‌كا چیرۆكێن سه‌یر و دلته‌زین هه‌نه، ب پشته‌ڤانیا خێزانا خۆ كاريه په‌رتۆكێ دروست بكه‌م و زێده‌ترى100 به‌رپه‌ران پێك دئێت و ب زمانێ ئنگلیزى یه وهزر د وێ چه‌ندێ دا كریه رۆژه‌ك ژ رۆژان په‌رتۆكا من وه‌كو به‌لگه‌یه‌ك بۆ ناساندنا جینۆسایدا كوردێن ئێزدى بێته بكارئینان”.
پاشى به‌رێز”شێخ شامۆ”سه‌رۆكێ ده‌سته‌يا بلندا بنگه‌هێ لالش دپه‌يڤه‌كێ دا پيرۆزباهى ل نڤيسه‌را كچ شه‌م به‌رهه‌م كر بۆ دروستكرنا ڤێ په‌رتۆكێ و ده‌ست خۆشى لێكر.
ل پێرا رێوره‌سمێن ئيمزاكرنا په‌رتۆكێ ده‌ستپێكرن و چه‌ندين دانه ژێ هاتنه فرۆتن و داهاتێ وان په‌رتۆكان لسه‌ر زارۆكێن كوردێن ئێزدى هاته به‌لاڤكرن.
شه‌م به‌رهه‌م، كچه‌كا كورده خه‌لكا هه‌ولێرا پایته‌خته، كچا نڤیسه‌رێ به‌رنیاس”به‌رهه‌م عه‌لى”یه ، ژ زارۆكینیا خۆ حه‌ز ژ نڤيسيانا چیرۆكان كریه و پشتى هاتنا چه‌كدارێن داعش بۆ سه‌ر ده‌ڤه‌رێن كوردێن ئێزدى، وێ ده‌ست ب نڤیسانا چه‌ندین چیرۆكێن زارۆكێن ئێزدى كر و د چه‌ند رۆژێن بۆرى دا كارى وێ په‌رتۆكێ چاپ بكت.
تُتاح هذه الصورة أيضا في: کوردی