بنگههێ لالش ئهلمانيا لگهل فهرماندێن پێشمهرگهى ل كۆنفرانسێ هانۆڤهر جڤيا
تۆرا لالش يا راگههاندنێ/ ئهلمانيا
ل پهراوێزا كۆنفرانسێ هانۆڤهر سهرۆك و ئهندامێن بنگههێ لالش ئهلمانيا لگهل چهند فهرماندێن پێشمهرگهى جڤيا.
ل رێككهفتى 17ى كانوونا ئێكێ 2018ێ سهرۆك و ئهندامێن بنگههێ لالش ئهلمانيا لگهل بهرێز”سهربهست لهزگين” بريكارێ وهزارهتا پێشمهرگهى و فهريق “جهمال ئێمينكى” و ليوا “سيروان بارزانى” فهرماندێ هێزێن پێشمهرگهى ل بهرهيێ مهخمور و “هشيار سيويلى” رێڤهبهرێ نڤيسينگهها پهيوهنديێن دهرڤه يێ پارتى ديموكراتى كوردستان و عهميد “ههژار” جڤيا ل پهراوێزا پشكداريا وان ل كۆنگرێ ژبال جڤاكا ئهلمانى بۆ بهرهڤانيێ ژ بنهمايێن نهتهوهيێن ئێكگرتى ل باژێرێ هانۆڤهر هاتيه گرێدان.
د ديداران دا ئهندامێن بنگههى بهحس ل رۆلێ بنگههێ لالش و چالاكيێن ل سالێن بۆرى گێراين كر،ژلايهكى دى ڤه رهوشا ئێزديان ل وهلاتى و ژدهرڤه ب تايبهت ئێزديێن دهڤهرێن دهرڤهى ئيدارا ههرێمێ و مهترسى و نهئاراميا رهوشێ گۆتۆبێژكرن.
د ديداران دا ههر ئێك ژ خهليل شنگالى و تهنگهزار مارينى و سهرۆك و ئهندامێن مالا ئێزديان ل كالكار ئامادهببوون.
ژبال خۆڤه ئهندامێن شاندى بهحس ل رۆل و خهباتا پێشمهرگهى بۆ بهرنگاربوونا تيرۆرێ و پاراستنا ههموو پێكهاتێن ئايينى و نهتهوهى ل كوردستانێ و دهڤهرێن كوردستانى ل دهرڤهى ئيدارا ههرێمێ كرن.
تُتاح هذه الصورة أيضا في: کوردی