نایف سەیدۆ:بەرنامێ بەلاڤكرنا گازا سپی لسەر ئاواران ب سستی ب رێڤەدچت
تۆرا لالش یا راگەهاندنێ
رێڤەبەرێ ناوچەداریا سنوونێ ئاشكەراكر كو پرۆسا بەلاڤكرنا گازا سپی لسەر ئاوارێن شنگالێ ب سستی ب رێڤەدچت و بەرنامێ بەلاڤكرنێ رێكخستی نینە و نە ب دلێ مەیە.
نایف سەیدۆ بۆ رۆژناما دەنگێ لالش راگەهاند،ل چەند كەمپێن ئاوارێن شنگالێ ل سنوورێ پارێزگەها دهۆكێ گازا سپی ژلایێ رێڤەبەریا بەرهەمێن سووتەمەنیێ ل مووسلێ لسەر ئاواران دا هاتیە بەلاڤكرن و ئەڤ بەرنامێ بەلاڤكرنێ رێك و پێك و رێكخستی نینە و سستی تێدا هەیە،چنكو بەلاڤكرنا گازێ وەسان دێ گیرۆ بت و هێشتا ل هندەك كەمپان و خیڤەت و كاڤلان دا ئاواران گاز وەرنەگرتیە،لەوا داخواز دكەین لەز ل شێوازێ بەلاڤكرنێ دا بێتە كرن دا هەموو ئاوارە بەهرا خۆ یا گازێ وەرگرن چنكو سەرمایە و ئاوارە ل ژیانەكا ب زەحمەت دا دژین.
دا زانین ژی ئاوارێن شنگالێ هەموویان پلێتێن خۆ یێن گازا سپی یێن وەرگرتین و ئەو چاڤەرێ وەرگرتنا گازێ نە.
تُتاح هذه الصورة أيضا في: کوردی