ژيانناما “فه‌قير حه‌جى فه‌قير شه‌مۆ”
پير خدر سلێمان
سه‌ره‌دان:
ئیرۆ من و به‌رێز عزه‌دین باقه‌صری سه‌را مامۆستایێ خۆ یێ قه‌ول زان ومه‌له‌ڤان د شرۆڤه‌کرنا قه‌ول وبه‌یتێن ئێزدیان دا”فه‌قیر حه‌جی کورێ فه‌قیر شه‌مۆ”دا،کو هه‌موو ته‌مه‌نێ خۆ د خزمه‌تا مالا شیخادی ل لالشا نوورانی بریه سه‌ر.
هه‌ژی گۆتنێ یه ل ده‌ستپێکا سالێن هه‌فتی یا ل چه‌رخێ بۆری مه چه‌نده‌ها جارا قه‌ستا به‌هشتی بابێ شێخ حه‌جی شێخ سمایل دکر وداخواز ژێ دکر ده‌ستوورێ بده‌ته مه ئه‌م قه‌ول وبه‌يتا تۆمار ودیکیۆمه‌نت که‌ین گه‌له‌ك لێ زه‌حمه‌ت بوو ل داویێ بابێ شێخ حه‌جی گۆته دیوانێ گه‌لی جوامێرا دڤێته ئه‌م سینگێ خۆ بۆ خورتێن خۆ ڤه‌که‌ین لێ ل وان زه‌حمه‌ت بوو،بابێ شێخ ل سالا 1973ێ گۆته جڤاتێ ئه‌ڤه تشتێ ل جه‌م من هه‌ی دێ ده‌مه وان بنڤیسن فه‌قیر حه‌جی توو ژی گه‌له‌ك قه‌ولا دزانی ژوان را بێژه بلا بنڤیسن،جوامێری گۆته بابێ شێخ ما نه‌گونه‌هه قه‌ولا بنڤیسن بابێ شێخ گۆت توو بده وان وگونه‌هـ ل ڤى ستۆیێ من، ئه‌و بوو مه گه‌نجینه‌کا پر هێژا ژجه‌م سه‌یدایێ خۆ فه‌قیر حه‌جی تۆمارکر و دپه‌رتۆكا ئێزدیاتی ل سالا 1979وگوندیاتی ل سالا1985 دا وه‌شاندن.. و مه کورتیه‌ك ژ ژیانناما وی دپه‌رتۆكا ئێزدیاتی دا وه‌شاند کو ده‌قێ وێ ل ژۆر ڤێ نڤیسارێ یه.
تُتاح هذه الصورة أيضا في: کوردی