رێكخراوەكا ئەورۆپی سەرەدانا بنگەهێ لالش ل دهۆكێ كر
تۆرا لالش یا راگەهاندنێ/دهۆك
شاندەكی رێكخراوا(MRG) یا ئەورۆپی بۆ بەرەڤانیكرن ژ مافێن كێمینەیان سەرەدانا دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ كر.
ئیرۆ ئێك شەمبوویێ 3/2/2019ێ شاندەكی رێكخراوا(MRG) یا ئەورۆپی بۆ بەرەڤانیكرن ژ مافێن كێمینەیان دگەل دا راگەهاندكار”خدر دوملی” سەرەدانا دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ كر و ژبال بەرێز”شێخ شامۆ” سەرۆكێ بنگەهێ لالش و بەرێز”شەمۆ قاسم”بەرپرسێ لژنا رەوشەنبیری ل بنگەهی هاتە پێشوازیكرن.
دروونشتنێ دا ههردوو لايان رەوشا كێمینەیان ل عێراقێ و كوردستانێ و رۆلێ بنگەهێ لالش بۆ پشتەڤانیا پێكڤەژیان و لێبۆرینێ و دەردەسەریێن ئێزدیان پشتی هێرشا رێكخراوا داعش یا تیرۆرستی بۆ سەر دەڤەرێن ئێزدیان پشتی 3/8/2014ێ و ب تایبەت دەڤەرا شنگال بەحسكرن.
ژبال خۆڤە بەرێز”شەمۆ قاسم”بەرپرسێ لژنا رەوشەنبیری ل بنگەهێ لالش بەحس ل ئارمانجێن بنگەهی و دەستكەفتێن دبیاڤێ هەڤ نێزیكرنێ دناڤبەرا پێكهاتێن جودا جودا و پشتەڤانیا ژ حكومەتا هەرێما كوردستانێ وەردگرت كر.
تُتاح هذه الصورة أيضا في: کوردی