٦٠٠ وانەبێژ قوتابخانێن شنگالێ ب رێڤەدبەن
تۆرا لالش یا راگەهاندنێ
رێڤەبەرێ پەروەردا كوردی ل قەزا شنگال ئاشكەراكر،كو بتر ژ (٦٠٠)مامۆستایێن وانەبێژ ل سنوورێ پەروەردا شنگال هەنە،ب هەڤكاریا ڤان وانەبێژان قوتابخانە دئێنە برێڤەبرن.
(حسێن خدر)بۆ رۆژناما دەنگێ لالش راگەهاند،هەموو وانەبێژ دراڤێ خۆ یێ هەیڤانە یێ وانە گۆتنێ وەردگرن ئەڤ ژمارا وانەبێژان بابەتێن هەمەجۆر ل قوتابخانێن كوردی ل سنوورێ شنگال و كەمپێن ئاواران رێڤەدبەن،لێ ل هندەك كەمپێن ئاواران بارگرانیەكا مەزن لسەر قوتابخانێن ئاواران هەیە ئەو ژی سێ دەوامی نە و رێژا قوتابیان گەلەك یا زێدەیە،ئاشكەراكر ژی ئەگەر خەلكێ شنگال زڤرنە سەر جی و مالێن خۆ ڤە بێگومان ئەڤ رێژا وانەبێژان دێ گەلەك زێدەتر بت،چنكو نهۆ ل كەمپێ هەموو خەلكێ شنگال كۆمكرینە ل شنگال خەلك یێ بەلاڤكریە لسەر گوند و كۆمەلگەه و ناوچەداری و دەڤەران ،بێگومان ئەڤ دێ بتە ئەگەر فشارەكا زێدەتر بۆ كێماسیا میلاكیێ لسەر پەروەردا شنگال دروست بت.
ناڤهاتی ئەو ژی دیاركر،رەوانەكرنا پەرتۆكێن كوردی و پێتڤیێن خووندنێ بۆ قوتابخانێن كوردی یا زەحمەتە ئاستەنگ دئێنە چێكرن،چنكو پێتڤیە مووسلێ را بێنە رەوانەكرن وگەلەك زالگەهێن پشكنینێ هەنە هەتا رادەیەكی ئاستەنگ دئێنە دروستكرن.
تُتاح هذه الصورة أيضا في: کوردی