35 پرۆژێن بچووك ل شاریا هاتنە ڤەكرن
تۆرا لالش یا راگەهاندنێ
وەك پشتەڤانی بۆ خێزانێن ئاوارەیێن شنگالێ و خۆجهێن شاریا ژبۆ پەیداكرنا داهاتەكی خۆمالی،ژمارەكا پرۆژێن بچووك بۆ خێزانێن هەژار و كێم دەرامەت ل كۆمەلگەهێ هاتنە ڤەكرن.
بنگەهێ لالش تایێ شاریا ب پالپشتیا دارایی یا رێكخراوا (JDA )یا ئەمریكی،ئیرۆ دوو شەمبوویێ 24ی حوزەیرانا 2019ێ رابوون ب ڤەكرنا 35 پرۆژێن بچووك یێن جۆرا وجۆر بۆ ژمارەكا خێزانێن هەژار و كێم دەرامەت كو 6 ژوان پرۆژێن بچووك ب كوژمێ 1,100 دۆلارێن ئەمریكی و 29 پرۆژێن دی ب 600 دۆلاری هاتنە ڤەكرن كو پێكهاتی بوون ژ دوكانێن كەلوپەلێن خوارنێ،جوانكاریێن ئافرەتان،پەز، دوكانێن گەرۆك، پەرگەه، كەلوپەلێن دروارێ و تەباخیێ و ئاسنگەری و خودانكرنا مریشكان،ئەڤ پرۆژە ل پێ حەز و داخوازا كەسێن مفادار هاتینە هەلبژارتن.
سەرجەمێ گشتی یێ دراڤێ بۆ ڤەكرنا ڤان پرۆژان هاتیە تەرخانكرن 24,000 دۆلارێن ئەمریكی بوون.
بەریا ماوەیەكی ب هەمان شێوە 41 پرۆژە بۆ خێزانێن هەژار هاتبوونە ڤەكرن،ئەو كەسێن دئێنە هەلبژارتن بۆ ڤەكرنا ڤان جۆرە پرۆژان ل پێ رێنما و مەرجێن رێكخراوێ دئێنە هەلبژارتن.
هەروەسان دپلاندایە ل داهاتی چەندین پرۆژێن دی ژی بێنە ڤەكرن،داكو ژمارەكا مەزن ژ خەلكێ مە یێ دەست كورت مفادار ببن.
تُتاح هذه الصورة أيضا في: کوردی