سەرۆکێ هەرێما کوردستانێ جهژنا چلێ هاڤينێ ل ئێزدیان پیرۆز دكت
باسنيوز:
نێچیرڤان بارزانى سەرۆکێ هەرێما کوردستانێ د پهیامهكێدا جهژنا چلێ هاڤینێ ل ئێزدییان پیرۆز دكهت.
سەرۆکێ هەرێما کوردستانێ د پهیامهكێدا دبێژیت “جهژنا چلێ هاڤینێ یا ئێزدییان، ب گەرمى ل ڕێزداران میرێ ئێزدییان و جڤاتا ڕووحانى و ههموو خوشك و برایێن ئێزدی یێن كوردستانێ و جیهانێ پیرۆز دکەم. هیڤیدارم ئهڤ جهژنه ب خێر و شادى بۆ هەموو ئێزدییان و كوردستانێ بگشتی ڤهگهڕیت”.
نێچیرڤان بارزانى هەروەسا دبێژی “د دەمەکێدا جەژنا چلێ هاڤینێ پیرۆز دکەین، ئەم ب ڕێز و شکۆدارى ژى قوربانى یێن كارهساتێن کو هاتنە سەرێ ئێزدییان ببیر تینین و دروود و سلاڤان بۆ گیانێ وان دهنێرین. هیڤیدارین جهژن و بیرهاتنێن بهێن د ڕەوشەکا باشتردا ڤەگەڕن و هەموو خوشك و برایێن مه یێن ئێزدی ل وار و جهێن خۆیێن ئاڤهدانكری ڤەگەڕیابن، وندا و ڕهڤاندى ژی ئازاد بووبن”.
لە دوماهیشدا دنڤیسی “جارهكا دی جهژنا چلێ هاڤینێ ل ههموو خوشك برایێن ئێزدی پیرۆز بیت، ههر ساڵ ب خێر و خۆشى”.
تُتاح هذه الصورة أيضا في: کوردی