بنگههێ لالش دخوازت”كۆمكوژیا ئێزدیان ل شنگال”بكهفته دپرۆگرامێ خووندنێ دا
_ل پێنجهمێن بیرهوهریا رۆژا رهش ژبال داعشا تیرۆری ڤه
بیرهوهریا پێنجێ یا دلتهزین بسهر مه دا دبۆرت یا كو گرۆپێ داعش یێ تیرۆرستێ كرێترین تاوان ل چهرخێ سهردهم ئهنجام دایی ،پشتی كو ب شێوهكی هۆڤانه دهست بسهر شنگال دا گرتی، و كریارێن كرێت و درندانه ژ كوشتن و گرتن و كهنیزه و تالانكرن و دهستدرێژیكرن دهرههقێ بێ گونههێن خهلكێ شنگالا وێران بووی دا ئهنجام داین،تاوانهكا كۆمكوژیا بكۆمه و روورهشی و شهرمهزاری بۆ دوژمن و نهیارێن ئهنجام داین،یێن ژ نهزانین و تاریێ هاتین ل چهندین باژار و وهلاتێن نێزیك و دوور ڤه.
ئهم ڤێ بیرهوهریا دلتهزین ل بیر دئینن،هێش گازی و قیزیێن گرتی و قوربانیان گوهێ جیهانا سهردهم دههژینت،كو خودان ههلویست بوون و رێزێ لێ دگرن،ههروهسا هێزێن ئاشتیخواز ل هاوارا مه هاتن بهلێ مخابن پشتی ژ دهست دهركهفتی.
بڤێ بیرهوهریا خهمگین،و ژبۆ تاوانێن داعش ل لاپهرێن دیرۆكێ دا دیدهڤان بمینت،دخوازن تاوانا كۆمكوژیا بكۆم یا ئێزدیان ل شنگال بكهفته دپرۆگرامێ خووندنێ دا،چ لسهر ئاستێ ههرێما كوردستانێ و ئاستێ عێراقێ،ژبۆ نههێلان و بنپێكرنا هزرا توندرهو.
ههروهسا داخوازێ ژ بهغدا دكهین كهسوكارێن قوربانیان ژ ئاواره و جانگۆری و بێ سهر و شوونان قهرهبوو بكت و ژ ههموو ماف و ئیمتیازاتان بێ بههر نهبن،و كهسوكارێن بێ سهروشوونان یێن دۆرێن پێنج سالان بسهر هندابوونا وان دا دهرباز بووین،ههروهسا دهرخستنا یاسایێن تایبهت بۆ زارۆكێن رزگاربوویێن ژ دهستێ داعش گرنگ دبینن ژبۆ ئاسانكرنا چۆنا وان بۆ قوتابخانێ ب ئارمانجا خۆ گونجاندنێ دناڤ جڤاكی دا كو دێ هاریكار بت بۆ دووباره پێگههاندنا وان،دگهل لهزكرن لسهر بجهئینانا یاسایان و سزادانا ههر ئێكی پشكداربووی د دهست بسهرداگرتنا شنگال و دهست ل كارێن گرتن و كوشتن و كهنیزه و دهستدرێژیكرنێ دا ههی و پێشلكاریێن دی یێن مرۆڤی یێن دژی خهلكێ مه یێ بێ گونههـ كرین.
ههروهسا راسپاردێن سهرۆك مهسعود بارزانی بۆ سهرۆك وهزیرێن حكومهتا بهرێ یا ههرێمێ بهرێز نێچیرڤان بارزانی بلند دنرخینن بۆ تهرخانكرنا كوژمهكێ مهزنێ دراڤی بۆ رزگاركرنا گرتیێن ئێزدی،بۆ زانین دۆرێن 2930ژن و زارۆكێن ئێزدی ههتا ئیرۆ رۆژ بێ سهر و شوونن كو ژوان 1338ژنن و 1592زارۆكن.
سلاڤ بۆ گیانێ جانگۆریێن ئێزدیخانێ
سلاڤ بۆ جانگۆریێن پێشمهرگه یێن جانێ خۆ كریه قوربانی رزگاركرنا شنگال و ژناڤبرنا داعشێ
روورهشی و شهرمهزاری بۆ رێكخراوا داعش یا تیرۆری و ههر ئێكی پشتهڤان.
دهستهیا بلندا بنگههێ لالش یێ رهوشهنبیری و كۆمهلایهتی/دهۆك
2/8/2019
تُتاح هذه الصورة أيضا في: کوردی