شنگال.. گۆرەکێ بکۆم ھاتیە دیتن
WAAR-دهۆك:
گۆرەکێ دی یێ ب کۆم ل شنگالێ ھات دیتن و دھێت پێشبینی کرن رۆفاتێن شەش تا دەھـ کەسان تێدابن.
خێری ئیبراھیم، رێڤەبەرێ رێکخستنا ئێزدی یا بهلگهكرنێ ل شنگالێ راگەھاند؛ رێکخستنا وان ب ھەڤکاری د گەل پۆلیسێن شنگالێ گۆرەکێ دی یێ بکۆم ل نزیک رێڤەبەرییا پۆلیسان ئاشکەرا کرینە، دھێت پێشبینی کرن رۆفاتێن شەش تا دەھـ کەسان تێدا بن کو داعشێ ل دەمێ داگیرکرنا شنگالێ تەقە ل وان کرینە و کوشتینە.
گۆت ژی، جھێ گۆرێن ب کۆم لێ ھاتینە دیتن ب قردێلا سۆر ھاتییە گرتن و سوبە ژ بۆ دەرخستنا رۆفاتان دێ دهست بكاربن.
دھێت زانین تا نھا ھەشتێ و ئێک گۆرێن بکۆم ل شنگالێ ھاتینە دیتن و ھەڤدە ژ وان ھاتینە ڤەکرن کو دوسەد و سیھـ و پێنچ رۆفات ژێ دەرخستینە.
تُتاح هذه الصورة أيضا في: کوردی