سەرۆكێ جڤاتا مووسل:زولم دێ ل ئێزديان ئێتە كرن
باسنيوز:
سەرۆكێ جڤاتا پارێزگەها مووسل دیار كر هەكە هات بریارا دەنگدانێ نەهێتە هەلوەشاندن دێ زولم ل ئیزدیان و مەسیحیان و شەبەكا هێتە كرن چونكو پتر ئەڤ ئاوارەنە نەشیاینە ڤەگەرنە سەر جهێن خوە ل دەنگدانێ دێ تووشی زولم بن.
سەیدۆ چەتۆ، سەرۆكێ جڤاتا پارێزگەها مووسل بۆ (باسنیوز) دیار كر: “ب شێوەیەكێ فەرمی ل سەر داخوازیا ئاواران مە داخواز ژ نەتەوەیێن ئێكگرتی و پەرلەمانێ عێراقێ و جڤاتا وەزیران و كۆمیسیونا هەلبژارتنان ل بەغدا كریە دووڤ دەستۆرێ و قانوونێ هەر كەسەك ل هەر جه و دەڤەرەكێ بیت مافێ دەنگدانێ هەبیت ل هەلبژارتنێن بهێت یێن جڤاتێن پارێزگەهان. هێشتا چوو بەرسف ب فەرمی نەگەهشتینە مە دا كو ئاوارە ل كەمپێن ئاواران دەنگێ خوە بدەن. ئەم بەردەوامن لسەر گەهاندنا دەنگێ خەلكێ خوە چونكو ئاوارێن كەمپا چەم مشكۆ ل زاخۆ نەشێن بچن ل مووسل دەنگێ خوە بدەن، دێ تووشی زۆر كیشەیان بن”.
خویا ژی كر: “ئەم بەردەوامن بریارا پەرلەمانێ بجه نەهێت داكو زولم ل خەلكێ شنگال و زومار و دەڤەرێن دی یین ئیزدیان و شەبەك و مەسیحیان نەهێتە كرن چونكو پتریا خەلكێ ئێزدی و مەسیحی و شەبەك ئاوارەنە، هێشتا نەشیاینە بزڤرنە شەر جه و مالین خوە”.
تُتاح هذه الصورة أيضا في: کوردی