گەنجەكێ ئێزدی ب پایسكلی ژ باشیكێ گەهشتە توركیا
تۆرا لالش یا راگەهاندنێ
گەنجەكێ ئێزدی خەلكێ دەڤەرا بەحزانێ سەر ب ناوچەداریا باشیكێ ڤە،چەندین گەشت ب پایسكلێ ل هەرێما كوردستانێ و عێراقێ كرینە،داوی گەشتا وی ب پایسكلێ ژ باشیكێ گەهشتە باژێرێ ئەستەنبولێ ل وەلاتێ توركیا.
گەنجێ ئێزدی(عەبدولخالق عەبدوالحق)تایبەت بۆ رۆژناما دەنگێ لالش گۆت:ئارەزۆیا وی وەرزش و هاژۆتنا پایسكلی بوویە،چنكو پایسكل دبتە هەڤالێ ژینگەهێ و هەموو جارا بكاردئینم دەمێ دچمە سەر كارێ خۆ،هەروەسا من گەریانەك ل سەرانسەری هەرێما كوردستانێ ب پایسكلێ خۆ كریە هەر ژ باشیكێ هەتا پارێزگەها دهۆكێ وچەندین سەرەدانێن دی ل ناڤبەرا باشیك و پارێزگەهێن هەولێر و سلێمانیێ دا كرینە،دیسان ب پایسكلێ خۆ كاری گەریانەكێ بناڤێ گەشتا ئاشتیێ ل ناڤبەرا هەرێما كوردستانێ وعێراقێ دا هەر ژ قەزا زاخۆ هەتا قەزا فاو كو دكەفتە سەر سنوورێ وەلاتێ كوێتێ بكەم،سەركەفتنا هەرە مەزن بۆ من ئەوە كاری ب پایسكلی گەریانەكا جێواز ژ باشیكێ هەتا وەلاتێ توركیا بكەم هەتا باژێرێ ئەستەنبۆلێ ب دووراتیا (3410) كم ل(19) رۆژان دا،كو رۆژانە (12 تا 13) دەمژمێرا برێڤە چۆم دگەل بێنڤەدانێ.
ناڤبری تەكەزكر،داخوازێ ژ وەزارەتا وەرزش و لاوان ل هەرێما كوردستانێ دكەین گرنگی ب ڤان جۆرە چالاكیان بێتە دان داكو مافێ وان نەئێتە هنداكرن،داكو ل پاشەرۆژێ دا بكارن نوونەراتیا هەرێما كوردستانێ بكەین ل پێشبەركیێن ناڤخۆیی ونێڤ دەولەتی.
تُتاح هذه الصورة أيضا في: کوردی