پرۆژێ فلكلۆرێ موزیكا ئێزدیان هاتە ڤەكرن
تۆرا لالش یا راگەهاندنێ
ل پێنج كەمپێن ئاوارێن شنگال ل سنوورێ پارێزگەها دهۆكێ،پرۆژێ فلكلۆرێ موزیكا ئێزدیان ژلایێ دەزگەهێ عەمار یێ خێرخوازی یێ نێڤ دەولەتی ڤە هاتە ڤەكرن.
دڤی واری دا رێڤەبەرێ خۆلان ل پرۆژەی(زانا سولتان) بۆ رۆژناما دەنگێ لالش خویاكر،پرۆژێ فلكلۆرێ موزیكا ئێزدیان و ب تایبەت یا شنگال ئەڤە ماوێ پێنچ هەیڤایە ل كەمپێن ئێسیان و كەبەرتوو و قادیا و خانكێ و شاریا دەست پێ هاتیە كرن،مەرەم ژێ ئەوە زارۆكێن ئاوارە كەیف خۆش ببن و هەست ب نەخۆشیێن ناڤ كەمپان نەكن و موزیكا خۆ یا رەسەن ژبیرنەكن.
ژ ئالیەكێ دی ڤە مامۆستایێ خۆلێ(عزەت شەرقی) بۆ رۆژناما دەنگێ لالش دیاركر،ئەڤ ماوێ پێنج هەیڤایە ئەڤ پرۆژە هاتیە ڤەكرن و هەفتی زارۆك پشكداری ڤێ خۆلێ بووینە و هەتا رادەیەكی باش فێری لێدانا بزق و سترانێن شنگالێ بووینە،داخوازێ ژ لایەنێن پەیوەندیدار دكەین بتر گرنگیێ ب فلكلۆرێ رەسەن یێ شنگال بدەن.
تُتاح هذه الصورة أيضا في: کوردی
