ئاوارێن شنگال ل كەمپان درەوشەكا سەخت دا دژین
تۆرا لالش یا راگەهاندنێ
ئەڤە ماوێ پێنج سالایە ئاوارێن شنگال ل كەمپێن سنوورێ پارێزگەها دهۆكێ درەوشەكا سەخت و دژواردا دژین،ژبەر هاتنا سەرما و بارانێ و كێمیا كەلوپەلێن زڤستانێ،ئاوارە دخوازن هاریكاریا وان بێتە كرن و ژ ژیانا ئاوارەیێ قورتال ببن.
(حەجی حسێن)ئاوارەیەكێ كەمپا شاریا یە بۆ رۆژناما دەنگێ لالش دیاركر،ئەڤە بۆ ماوێ پێنج سالایە ئاوارێن ل ناڤا كەمپان دا ل وەرزێ زڤستانێ درەوشەكا پەریشان و زەحمەت و سەخت دا دژین،سال بۆ سالێ رەوشا وان خرابتر لێ دئێتن وئێش وئازارێن وان زێدە دبن،لەوا داخواز دكن هاریكاریا ئاواران بێتە كرن و كەلوپەلێن زڤستانێ بۆ بێنە دابینكرن.
ژئالیەكێ دی ڤە(سامیە شنگالی)چالاكڤانەكا خەلكا شنگالێ یە بۆ رۆژناما دەنگێ لالش خویاكر، پێتڤیە لسەر حكومەت و رێكخراوێن مرۆڤی هاریكاریا ئاواران دهەموو بواران دا بێتە كرن ب تایبەت پێتڤیێن زڤستانێ ژ گازا سپی وكەلپەلێن دی كو ل دەمێ خۆ دا بێنە بەلاڤكرن وخزمەتگۆزاری بۆ بێنە دابینكرن.
لگۆر ئاماران هێش نێزیكی(85%)ژ خەلكێ شنگالێ ئاوارەنە و بتریا وان ل كەمپێن سنوورێ پارێزگەها دهۆكێ دژین.
تُتاح هذه الصورة أيضا في: کوردی