بنگه‌هێ لالش: قه‌ده‌م گوهاستنا بابا شێخ زیانه‌كا مه‌زنه بۆ ته‌ڤایا ئێزدیان
_هێمایێ لێبۆرینا ئایینی و مكومكرنا پێكڤه‌ژیانا ئاشتیانه بوو 
ب دلەکێ پڕ خەم و کۆڤان ڤە نووچەیا قەدەم گوهاستنا بابێ رۆحی یێ هه‌موو ئێزدیان(شێخ خرتۆ حەجی ئسماعیل) دته‌مه‌نێ 87 سالیێ دا ل نه‌خۆشخانا سه‌رده‌م ل هه‌ولێرا پایته‌خت گەهشتە مە.
ئه‌م ل پێشیێ سه‌ره‌خوه‌شیێ ل خۆ دكه‌ین بڤێ روودانا خه‌مگین،و سه‌ره‌خوه‌شیێ ل سه‌رتاسه‌ری ئێزدیان ل كوردستانێ و عێراقێ و جیهانێ و میری و جڤاتا روحانی یا بلندا ئێزدیان دكه‌ین.
ئه‌م دووپات دكه‌ین كو خودێ ژێ رازی هێمایێ لێبۆرینا ئایینی و مكومكرنا پێكڤه‌ژیانا ئاشتیانه بوو كو هه‌رگاڤ ته‌كه‌ز ل به‌لاڤبوونا ئاشتیێ و دووركه‌فتن ژ شه‌ران و ئاریشان دكر،و هه‌رده‌م دووپات دكر كو كه‌رب و كین ئه‌گه‌رێ ئالۆزیانه و هه‌رده‌م دخوازت رێز ل مرۆڤان بێته گرتن سه‌رباری ژییاتیا ئایینی یان مه‌زهه‌بی.
ژده‌ستدانا بابا شێخ زیانه‌كا مه‌زنه بۆ هه‌موو ئێزدیان و هه‌ر ئێكی باوه‌رمه‌ند ب ئاشتی و لێبۆرین و پێكڤه‌ژیانا ئایینی هه‌ی.
روحا ره‌حمانی… نابت فانی
هه‌ردێ زڤرته به‌رده‌ستێ وی خودانی
دەستەیا بلندا بنگەهێ لالش/دهۆك
2/10/2020
تُتاح هذه الصورة أيضا في: کوردی