ته‌كه‌زى ل پرسێن ئێزديان دناڤ سازیێن حكومه‌تا هه‌رێمێ دا هات كرن
تۆرا لالش/دهۆك
د هه‌ڤدیتنه‌كێ دا رێزداران”شێخ شامۆ” راوێژكارێ سه‌رۆكێ ئه‌نجومه‌نێ وه‌زیران بۆ كاروبارێن ئێزدیا و”كه‌ریم سلێمان” بریكارێ وه‌زاره‌تا كشتوكال و ژێده‌رێن ئاڤێ ل حكومه‌تا هه‌رێمێ،ته‌كه‌زی ل هه‌ماهه‌نگیه‌كا ته‌مامكر ژبۆ بابه‌تێن گرێدایی ئێزدیان دناڤ سازیێن حكومه‌تا هه‌رێما كوردستانێ دا.
رێزدار”شێخ شامۆ”راوێژكارێ سه‌رۆكێ ئه‌نجومه‌نێ وه‌زیران بۆ كاروبارێن ئێزدیا ل ئۆفیسا خوه یا راوێژكاریێ ل هه‌ولێرێ ،پێشوازی ل رێزدار “كه‌ریم سلێمان”بریكارێ وه‌زاره‌تا كشتوكال و ژێده‌رێن ئاڤێ ل حكومه‌تا هه‌رێما كوردستانێ كر.
مه‌ره‌م ژسه‌ره‌دانێ پیرۆزباهیكرن بوو ل ده‌ستبكاربوونا به‌رێز شێخ شامۆ راوێژكارێ سه‌رۆكێ حكومه‌تێ بۆ كاروبارێن ئێزدیا و هه‌ماهه‌نگیا كاركرنێ ژبۆ به‌رژه‌وه‌ندا گشتی و بابه‌تێن گرێدایی ئێزدیان و ده‌ڤه‌رێن وان.
تُتاح هذه الصورة أيضا في: کوردی