شێخ شامۆ:(قهسر)دیوانخانا بابێ شێخێ ئێزدیا د قۆناغا ئاڤاكرنێ دایه
-ل سهر رهزامهندی و راسپاردهیێن رێزدار مهسرور بارزانی سهرۆكێ حكوومهتا ههرێما كوردستانێ،رێزدار پارێزگارێ دهۆكێ هاتیه راسپاردن ژبۆ ئاڤاكرنا پرۆژێ (قهسر)ديوانخانا بابێ شێخێ ئێزديان
تۆرا لالش/دهۆك
شێخ شامۆ،راوێژكارێ سهرۆكێ حكوومهتا ههرێما كوردستانێ بۆ كاروبارێن ئێزديا د داخويانيهكێ دا بۆ(تۆرا لالش)راگههاند:”ب رهزامهندیا جهنابێ كاك مهسرور بارزانى سهرۆكێ حكوومهتا ههرێما كوردستانێ،رێزدار پارێزگارێ دهۆكێ Dr. Ali Tatar Nerway رابویه ب ئاڤاكرنا پرۆژێ(قسر)ديوانخانا بابێ شێخێ ئێزديان و نهۆ دقۆناغێن ئاڤاكرن و بجهئينانێ دايه ،وگۆت ئهڤ پرۆژه ب نهخشهیهكی لایقی مهقامێ بابێ شێخێ ئێزدیا هاتیه دیزاینكرن و تێچۆیێ پرۆژه ل سهر ئهركێ تایبهتێ كاك مهسرور بارزانی یه”.
شێخ شامۆ دياركر:”ئهڤ پرۆژه ژلايێ جهنابێ سهرۆكێ حكوومهتێ ڤه وهكو رێزگرتن وگرنگیدان ل تهیبهتمهندیا ئۆلا ئێزديان،ههروهسا ئهڤ دیوانخانه بۆ خزمهتا ئێزديان و پێكڤهژیانا گشت پێكهاتێن دهڤهرێ يه”.
ههرهسا شێخی خویاكر :”لدووڤ راسپاردێن سهرۆكێ حكوومهتا ههرێما كوردستانێ دهست ب ئهنجامدانا چهندين پرۆژهيان ل پهرستگهها لالش هاتيه كرن و دقۆناغێن بجهئينانێ دانه:”.
دئالیهكی دیدا جیبجیكارێ پرۆژهی ژ كارگێریا پارێزگهها دهۆكێ ئهندازيار خێرى گدى بۆ(تۆرا لالش) دياركر:”ماوێ سێ ههيڤايه كار لسهر ئاڤاكرنا ڤى پرۆژهى دئێته كرن و قۆناغێن باش دهرباز كرينه،پرۆژه هێشتا دقۆناغا بجهئينانێ دايه و كار لسهر بهردهوامه”.
تُتاح هذه الصورة أيضا في: کوردی