ب پشتهڤانیا مەسروور بارزانی جوتسایدێ پهرستگهها لالش هاته ڤهكرن
وشه:
ئهڤرو ل ژێر چاڤدێریا د.علی تهتهر پارێزگارێ دهۆكێ و ب ئامادهبونا جێگرێ پارێزگارێ نهینهوا و میر حازم بهگ وجڤاتا روحانی یا ئێزدیان رێ ورسمێن ڤهكرنا جوتسایدێ پهرستگهها لالش هاتنه گێران کو ل سەر ئەرکێ مەسروور بارزانی، سەرۆکێ حوکمەتا هەرێما کوردستانێ هاتیە دروستکرن.
سەردار شێخ یەحیا، قایمقامێ شێخان دیارکر کو ئەو سوپاسیا سهروكێ حوكمهتا ههرێما كوردستانێ دکەن کو پرۆژێ جوتسایدا پەرستگەها لالش ب ستویێ خوڤ گرتی و گوت، سوپاسیا پارێزگارێ دهۆكێ وپارێزگهها نهینهوا ژی دکەین بو ئهنجامدانا چهندین پرۆژێن خزمهتگوزاری وب تایبهتی سوپاسیا كاڤین گروپ دکەین بو چێكرنا رێیا جوتسایدێ پهرستگهها لالش و دخوازین كو پتر پرۆژه ل دهڤهرا شێخان بهێنه ئهنجامدان.
دچارچوڤێ رێورسمن ڤەکرنا جوتسایدێ ناڤبری دا، د.عەلی تەتەر پارێزگارێ دهۆكێ دپهیڤهكێ گوت، رێز و سوپاسیێن مسرور بارزانی سهروكێ حوكمهتا كوردستانێ دگەهینینە میرێ ئێزدیان وجڤاتا روحانی وههموو خهلكێ دهڤهرێ وپیرۆزباهیا وان ژی دکەین ب ههلكهفتا ڤهكرنا جوتسایدێ پهرستگهها لاش وهاتنا جهژنا چوار شهمبوویا سور ژی ل وان پیروز دکەین.
زێدەتر گوت، سهرهرایی ههبوونا چهندین قهیرانان، بەلێ حوكمهتا ههرێما کوردستانێ یا بهردهوامی دایه د گههاندنا پرۆژێن خزمهتگوزاری، ئهڤرو ژی 12 پرۆژێن جورا وجور ل دەڤەرێ هاتنە ڤهكرن و بهرێ بنیاتی بو هندهكێن دی دانا ول ئایندهی ژی دێ ژمارهكا دی یا پرۆژا ڤهكهین، ب گشتی دنوکە دا ب بهایێ پتر ژ 200 ملیار دینارا پرۆژه ل سنورێ ههموو پارێزگهها دهۆکێ دهێنه ئهنجامدان.
جوتسایدا ناڤبری ب پشتهڤانیا سهروكێ حوكمهتا ههرێما كوردستانێ مەسرور بارزانی هاتیە چێکرن، ئەڤە زێدەباری چێکرنا پرۆژێ ئاڤێ و كارگهههكا بهرههئینانا زهیتێ ل پهرستگهها لالش بكوژمێ پتر ژ ملیارهك و 100 ملیون دیناران ددما کێمتر ژ 30 رۆژان ژلایێ کومپانیا کاڤین گرووپ.
تُتاح هذه الصورة أيضا في: کوردی