مامۆستایەكا زانكۆیا دهۆكێ:دڤێت خۆراگربین و بەردەوام بزاڤان ژبۆ سەركەفتنێ بكەین
تۆرا لالش:
مامۆستایەكا ئێزدی ل زانكۆیا دهۆكێ دیاركر، بۆ بدەستڤەئینانا هەر ئارمانجەكێ دڤێت مرۆڤی ئارمانجەك هەبت و هەتا پلانێ جێبەجێ دكەین بێگۆمان كۆمەكا ئاستەنگ و نەخۆشیا دێ ئێنە درێ دا،بەلێ دڤێت هەر ئەم د خۆراگربین و بەردەوام بزاڤان ژبۆ سەركەفتنێ بكەین گەنجێ كورد ب گشتی و یێن ئێزدی ب تایبەت دڤێتن خودان پلان بن.
جیهان زۆرۆ سەعدۆ، مامۆستایەكا ئێزدی ل زانكۆیا دهۆكێ بۆ رۆژناما دەنگێ لالش راگەهاند،بتریا ئێزدیان دنهۆ دا دەربەدەر و ئاوارە و دووری جی و وارێن خۆنە،دڤێت تاكێ ئێزدی بتر هزر د پاشەرۆژا خۆدا بكت كەسێن خودان شیان هەلبژێرن ژبۆ سەركردایەتیێ د هەموو بیاڤێن ژیانێ دا،تێگەهەك ل كولیژا كارگێری و ئابووری دا هەیە دبێژنێ سەركردایەتیا خزمەتكار و نهۆ ئەم پێتڤی كەسانێن وەساین داكو خزمەتا مللەتێ خۆ بكن،ل دەستپێكێ بۆ بدەستڤەئینانا هەر ئارمەنجەكێ دڤێت مرۆڤی ئارمانجەك هەبت و هەتا پلانێ جێبەجێ دكەین بێگۆمان كۆمەكا ئاستەنگ و نەخۆشیا دێ ئێنە درێ دا، ئەز ژی وەك هەر كچەكا ئێزدی دڤان نەخۆشیان دا دەربازبوویمە و ب تایبەت دماوێ خووندنا خۆ یا ماستەرێ د بارودۆخێن نەخۆش یێن بسەرێ ئێزدیان دا هاتین و ل سالا (2016)ێ وەرگرت ،بەلێ دڤێت هەر ئەم د خۆراگربین و بەردەوام بزاڤان ژبۆ سەركەفتنێ بكەین گەنجێ كورد ب گشتی و یێن ئێزدی ب تایبەت دڤێتن خودان پلان بن.
ئاشكەراكر ژی دبینم خووندكارێن ئێزدی ل زانكۆیان بزاڤا دكن نمرەیێن زۆر باش ب دەستڤەبینن بەلێ گەلەك جاران ژبەر بارودۆخێن ئابووری و فرمانا ئێزدیان ل سالا(2014)ێ دەربەردەربوون و ئاوارەبوونا ئێزدیان نكارینە بەردەوامیێ بدەنە خووندنێ،لەورا داخواز دكەم پشتەڤانیەكا دارایی ژبۆ خووندكارێن ئاوارە و كێم دەرامەت بێتە دابینكرن و سەرەرای ڤێ چەندا مە گۆتی دڤێت خووندكار ب هەموو ئاوایان خۆراگر بت و خودان پلان بت ژبۆ سەركەفتنێ،داكو بگەهتە پاشەرۆژا خۆ و مفایی بگەهینتە مللەتێ خۆ،چنكو هەر وەلاتەك ب گەنجان ئاڤا دبت.
ناڤهاتیێ بەحس ل رۆلێ ئافرەتێ دكت و دبێژت: پێتڤیە ئافرەت بزاڤا بدەستڤەئینانا مافێن خۆ بكت و ل هیڤیا كەسێ نەمینت كو مافێن وێ بدەستڤەبینت و دڤێت بزانت چ دڤێت،ژبەركو رۆلێ ئافرەتێ یێ پیرۆزە پشكداری د شۆرەشێن ژیانێ دا كریە وەك پەروەردەكرنا زارۆكی و پشكداریكرن د ئاڤاكرنا خێزانێ دا و ژبەر زیرەكیا ئافرەتێ زەلامی مەزاختی و ئابوورێ مالێ د دەستێ ژنێ كریە.
گۆتژی ژ كەڤندا ئافرەت تووشی ئاستەنگێن ژیانێ بوویە تایبەت د كۆمەلگەها زەلام سالاری دە و چەندین بەربەست بۆ هاتینە دانان وەكو سنووری ژ نەزانینا خۆ ئافرەتێ تەماشەكریە و بگرە ب پیرۆزی ژی زانی یە،لێ د هەر سەردەمەكی دە ئافرەتێن قەهرەمان هەبووینە ئەو سنوور وەك پیرۆزی نەهەژمارتینە بۆ ڤێ چەندێ شۆرەش كرینە و قوربانی داینە سنوورێن دەستكرد تارادەیەكێ باش راكرینە،لەورا پێتڤیە ئافرەت بریاردەر بت د ژیانێ دە و پشكداریا كارا بكت د ژیان و دام و دەزگەهـێن حكومی و حزبی و رێكخراوان دا و كارێ ئازاد بەردەوام بن ژ شكاندنا سنوورێن دەستكرد یێن بۆ ئافرەتێ هاتینە دانان.
تُتاح هذه الصورة أيضا في: کوردی