کەمپا شاریا ب بلۆکان دێ ئێته ئاڤاكرن
گاڤ نیوز:
بریار هاتیە دان هەمی کەمپا شاریا یا ئاوارەیێن شنگالێ ب بلۆکان بهێتە ئاڤاکرن داکو مەترسیێن ئاگربەربوونێ ل سەر وی خەلکی کێم ببن.
راگه‌هاندنا رێڤه‌به‌ریا كۆچ و كۆچبه‌رێن دهۆكێ بۆ گاڤ نیوز راگه‌هاند: ب راسپاردەیا پارێزگارێ دهۆکێ کۆمبوونەک هاتیە کرن بۆ دیتنا چارەیەکێ بۆ ئاوارەیێن کەمپا شاریا و د کۆمبوونێ دا میرێ ئێزدیان، حەزرەتێ بابەشێخ، رێڤەبەریا کوچ و کوچبەران و رێڤەبەریا کەمپا شاریا و ده‌زگه‌هێ خێرخوازیێ بارزانى بەرهەڤبوون و بریار دا ل شوینا خیڤەتان، کەمپا شاریا ب بلۆکان بهێتە ئاڤاکرن.
د کۆمبوونێ دا بریار هاتە دا ئەو کەمپە د دو قوناغان دا بهێتە ئاڤاکرن، د قوناغا ئێکێ دا دێ ئەو خیڤەتێن سوتین بنە بلۆک و د قوناغا دوێ ژی دا دێ یێن مایی هەمی بنە بلۆک.
ل رۆژا ئەینیا بووری ئاگرەکێ مەزن بەربوو کەمپا شاریا و پترى 370 خیڤەتان سۆتن.
تُتاح هذه الصورة أيضا في: کوردی