بنگەهێ لالش چار پەرتۆك لدۆر ئێزدیناسیێ چاپکرن
دهۆک؛ سەماتیڤی
بنگەهێ لالشێ رەوشەنبیری و کۆمەڵایەتی ڕاگەهاند، د درێژاهییا کاروانێ چاپ و وەشانێن بنگەهیدا، ئەوان ٤ پەرتووکێن دی چاپکرن.
لیژنا ڕەوشەنبیری یا دەستەییا بلندا بنگەهێ لالش یێ ڕەوشەنبیری و کۆمەڵایەتی دیارکر، ژ بزاڤ و چالاکیێن لیژنا وان و ب پشتەڤانییا حکومەتا هەرێما کوردستانێ و ب هەڤکارییا تایبەتا شێخ شامۆ سەرۆکێ بنگەهی زنجیرەکا پەرتووکان هاتە چاپکرن.
ئەو یەکە ژی دیارکرییە، ئەو پەرتووک گرێدایی دیرۆک و فولکلۆرێ ئێزدییانە، پەرتووک پێکهاتینە ژ ( ئێزدی و زەرادەشتی د هەڤسەنگییا دیرۆکێ دا یا نڤیسەر فەهمی حەسەن بابێ ڕۆژانێ یا نجیرا ٤١) و (شرۆڤەكرنا هندەك رێ ورەسم وتێكستێن ئۆلا ئێزدیان ژ ئامادەكرنا سەیدۆ چەتۆ حەسۆ، زنجیرا ٤٢) و (ئێزدیاتی ل بەر رۆناهیا قەول وسەبەقا ژ ئامادەكرنا نەزیر سەرگەلی نجیرا ٤٣) و(قەڤدەكا نێرگزا ژ باغچێ رەنگینێ سترانا چیایێ شنگالێ ژ كۆمكرن وئامادەكرنا خەلەف حەجی حەمەد زنجیرا ٤٤).
هەڤدەم، چار پەرتووک ب چاڤدێرییا زمانڤانیا ژ ئالیێ شەمۆ قاسم و سەعید جردۆ ڤە هاتییە کرن، شڤان سلێمان دیزان کرییە، چاپخانا هاوار ل دهۆکێ ب کارێ چاپێ ڕابووییە.
هاتییە ڕاگەهاندن، ئەڤ پەرتووکنە دێ د مەراسیمەکە تایبەتدا ل بنگەهێ لالش ب ئامادەبوونا نڤیسەر و ڕەوشەنبیران دێ هێتە ئیمزاکرن.
تُتاح هذه الصورة أيضا في: کوردی