ڤيان دهخيل:داخوازێ ل حكومهتا عێراقێ دكهين دانوستاندنان لدۆر كهيسا گرتيێن ئێزدى لگهل وهلاتێن دراوسێ بكت
باسنيوز:
ژنە چالاکوانێکی کوردی ئێزدی و ئەندامی خوولی پێشووی عێراق داوا دەکات حکوومەتی عێراق لەگەڵ وڵاتانی دراوسێ گفتوگۆ لە بارەی کەیسی ژن و کچە کوردە ئێزدییە رفێندراوەکان بکات.
ڤیان دەخیل، ژنە چالاکوانی کوردی ئێزدی و پەرلەمانتاری خولی پێشووی پەرلەمانی عێراق، لە بەیاننامەیەکدا، راگەیاندووە: رێکخراوی تیرۆریستی داعش لە کاتی داگیرکردنی شنگال لە مانگی 8ـی 2014، دەستی بە کۆمەڵکوژیی خەڵکی شنگال و رفاندنی ژن و کچانی کوردی ئێزدی کرد.
ڤیان دەخیل هەروەها رایگەیاندووە: بەشێک لە چەکدارانی داعش لەگەڵ ژن و کچە کوردە ئێزدییەکاندا، کە لە کاتی رفاندنیان منداڵ بوون، دوای ساختەکردنی ناسنامە بۆ خۆیان و ژن و کچە کوردە ئێزدییەکان، بەرەو وڵاتانی دراوسێ هەڵاتوون.
ئەو ژنە چالاکوانە کوردە ئێزدییە داوای لە حکوومەتی عێراق کرد لەگەڵ وڵاتانی دراوسێ گفتوگۆ لە بارەی کەیسی ئەو ژن و کچە کوردە ئێزدییە رفێندراوانە بکات، بۆ ئەوەی چەکدارە تاوانبارەکانی داعش بدۆزرێنەوە و ژن و کچە کوردە ئێزدییە رفێندراوەکانیش رزگار بکرێن.
تُتاح هذه الصورة أيضا في: کوردی