بنگەهێ لالش تايێ باعەدرێ بەریکانەکا زانستی و رەوشه‌نبیری سازكر
تۆرا لالش:
پێخەمەت پەیداکرنا کەش و هەوایەکی دلڤەکر و تەڤلیکرنا گەنجان د بزاڤ و چالاکییێن رەوشەنبیری و هزری و زانستی و بهێزکرنا ئاستێ رۆشەنبیری ل دەڤەرێ، بەریکانەکا زانستی و رەوشه‌نبیری ژلايێ بنگه‌هێ لالش تايێ باعه‌درێ ڤه هاته سازكرن.ئيرۆ 6ى چريا دووێ 2021ێ بنگەهێ لالش تایێ باعەدرێ رابوو ب سازکرنا بەریکانەکا زانستی و رەوشه‌نبیری بۆ ژمارەکا کچ و کوڕێن شنگال ل کەمپا ئێسیان.
ل دەستپێکێ بەرپرسێ بنگەهێ لالش خلات باعەدری بخێرهاتنا تەڤایا ئامادەبوویان کرو دياركر كو بنگەهێ لالش تايێ باعەدرێ هەردەم خۆ ل چین و توێژێن جڤاکی کریە خودان و ئەڤ جارە ئەڤ تەخا گرنگ هەلبژارتی یە پێخەمەت دەربازکرنا دەمەك مفا و تەڤلیکرنا وان دناڤا کۆڕ و جڤینێن رەوشەنبیری و هزری و زانستی دا و ل داویێ ژی داخوازا سەرکەفتنێ بۆ تەڤایا خواست.
لدووڤ دا پشکداربوویێن بەریکانێ دابەشی هەفت گرۆپان بوون و پرسیارێن بەریکانێ بسەر ئەواندا هاتن پارڤەکرن.
ل داويێ دیاریێن بنگەهێ لالش بسەر سێ گرۆپێن سەرکەفتی دا هاتن به‌لاڤكرن.
تُتاح هذه الصورة أيضا في: کوردی