قاسم شەشۆ : داخوازیا خەلکێ شنگال ئەوە حکومەتا نوو یا عیراقێ ھێزێن نەشەرعی ژ شنگال دەربێخت
ئاژانسا خانی:
قاسم شەشۆ، فەرماندێ ھێزا پێشمەرگەی ل شنگال راگەھاند؛ داخوازیا خەلکێ شنگال ئەوە حکومەتا نوو یا عیراقێ ھەموو ھێزێن نەشەرعی ژ ناڤ شنگال دەربێخیت چونکو ئهگهر نەھێنە دەرخستن خەلکێ شنگال باوەری نامینت.قاسم شەشۆ، فەرماندێ ھێزا پێشمەرگەی ل شنگال بۆ ئاژانسا خانی ئاشکەرا کر؛ خەلکێ شنگال دخوازن حکومەتا نوو یا عیراقێ مافێن ئێزدیان دابین بکەت و ھێزین نەشەرعی ژ شنگال دەرکەڤن و خەلکی شنگال بھێتە قەرەبوو کرن و کچ و ژن و زارۆکێن ئێزدی یێن ھەتا نوکە رەڤاندی بھێنە ئازادکرن وھەموو گۆرێن بکۆم بھێنە ڤەکرن و تیرۆرستێن داعش بھێنە سزادان و رێکەفتنا ناڤبەرا حکومەتا ھەرێما کوردستانێ و عیراقی دا بجهـ بھێت داکو باوەری بۆ خەلکێ شنگال چێبیت و بشێن ڤەگەرنە سەر مالین خۆ.
قاسم شەشۆ گۆت ژی: ئەڤە ھەشت سالن خەلکێ شنگال ئاوارە ھێشتا حکومەتا عیراقی بۆ شنگال چوو نەکریە، ئەم چاڤەرێنە حکومەتا بھێت یا عیراقی مافێن ئێزدیان دابین بکەت داکو باوەری بۆ ئێزدیان دروست بیت و بشێن بزڤرنە شنگال.
تُتاح هذه الصورة أيضا في: کوردی