بنگەهێ لالش دێ چل رۆژیا وەغەركرنا مامۆستا “پیر خدر سلێمان” لسەر ئاستەكێ بلند ساخ كت
تۆرا لالش/دهۆك
ب سەرپەرشتیا بەرێز”شێخ شامۆ” سەرۆكێ دەستەیا بلندا بنگەهێ لالش،ئیرۆ 2/12/2021ێ كۆمبوونا ئاسایی یا بنگەهێ لالش ب ئامادەبوونا ئەندامێن دەستەیا بلند و بەرپرسێن تایێن لالش ب رێڤەچوو.
د كۆمبوونا ئاسایی یا بنگەهێ لالش دا بەرێز “شێخ شامۆ”سەرۆكێ بنگەهێ لالش سەرەخۆشی ل دەستەیا بلند و ئەندامێن بنگەهی و مالباتا خودێ ژێ رازی پیر خدر سلێمان كر و دیاركر كو وەغەركرنا پیر خدر خوسارەتەكا مەزن بوو،چنكو ئێك ژ وان كەسان بوو خزمەتەكا مەزن دوارێ كوردایەتی و ئێزدیاتیێ و بنگەهێ لالش دا كریە،ژبەر هندێ ژی ساخكرنا چل رۆژیا وی ئەركێ بنگەهێ لالشە.
دتەوەرەكێ دی یێ كۆمبوونێ دا شێخ شامۆ بەحس ل وێ یەكێ كر كو گەرەكە بنگەهێ لالش مینا هەر سال ل ڤێ هەیڤێ دا لگۆرەی شیانێن خۆ هاریكاریان بگەهینتە چەندین خێزانێن هەژار و كێم دەرامەت و داخواز ژ هەموو تایی و نڤیسینگەهێن لالش كر دڤێ هەیڤێ دا بزاڤ و چالاكیێن خۆ هەموویان بێخنە دخزمەتا هەژاران دا ب تایبەت ئاواران.
هەر دكۆمبوونێ دا سەرۆكێ بنگەهێ لالش بەحس ل كۆنگرێ داهاتی یێ بنگەهێ لالش كر و گۆت:پێتڤیە ب زووترین دەم كۆنگرە بێتە ئەنجام دان و كۆنگرەیەكێ دیموكراسی بت،هەروەسا بەحس ل چاوانیا دەستنیشانكرنا مەندوبان كر و هیڤی خواست ب رێیێن دیموكراسی مەندوب بێنە هەلبژارتن داكو پشكداریەكا باش د كۆنگرێ داهاتی دا بكن و كۆنگرە ب سەركەفتیانە ب داوی بێت.
هەروەسال داویا كۆمبوونێ گەنگەشە دناڤبەرا ئەندامێن دەستەیا بلند و بەرپرسێن تایان لسەر گرنگترین كار و بزاڤ وچالاكیێن بنگەهێ لالش هاتەكرن.
تُتاح هذه الصورة أيضا في: کوردی