بنگەهێ لالش ئەلمانیا پیرۆزباهیا كۆنگرێ كۆنفیدراسیۆنا رەڤەندا كوردستانی دكت
تۆرا لالش:
دەستەیا رێڤەبەرا بنگەهێ لالش ئەلمانیا وتەڤایا ئەندام و لایەنگەرێن بنگەهی،پیرۆزباهیێن گەرم ئاراستەی تەڤایا ئەندامێن بەشدارێن كۆنگرێ كۆنفیدراسیۆنا رەڤەندا كوردستانێ كر كو كارێ خۆ ب سەركەفتیانە ب داوی ئانی.
كۆنگرێ كۆنفیدراسیۆنا رەڤەندا كوردستانی ل هەولێرا پایتەختێ كوردستانێ ب ئامادەبوونا 140 ئەندامان ژ 20 وەلاتێن جودا جودا و ب سەرپەرشتیا رێبەرێ گەلێ كورد سەرۆك مەسعود بارزانی دەست ب كاروبارێن خۆ كر.
ئەم وەك بنگەهێ لالش هاتبوون داخوازكرن و بەشداربووین، هەروەسا ل هەلبژارتنا دەستەیا رێڤەبەر دا دومان دوملی نووونەرێ بنگەهێ لالش جیێ خۆ گرت و هاتە هەلبژارتن.
بڤێ هەلكەفتێ پیرۆزباهیا هەموو بەشداربوویان دكن و داخوازا سەركەفتنێ بۆ دەستەیا رێڤەبەر دكن،ژبۆ خزمەتا دۆزا رەوایا گەلێ كوردستانێ ب گشتی و رەڤەندا كوردستانی ب تایبەتی.
لگۆر دیتن و سەربۆرا كارێ مە ل ئەورۆپا ب تایبەت ل ئەلمانیا رەڤەندا كوردستانی دكارت ببە پالدەرەكێ زۆر بهێز ژبۆ هیڤیێن گەلێ كوردستانێ و پشتەڤانیا ناڤنەتەوەیی پەیدا بكت ژبۆ حكومەت و گەلێ كوردستانێ ژبۆ ڤێ یەكێ،دڤێت كارەكێ جدی و ب دیراسەت و پێنگاڤێن ب لیمەت دگەل كەسێن شارەزا بێنە بجیكرن.
جارەك دن پیرۆز و سەركەفتی بن
ده‌ستەیا رێڤەبەرا
بنگەهێ لالش ئەلمانیا
تُتاح هذه الصورة أيضا في: کوردی
