دوو زارۆكێن گرتيێن ئێزدى ل سووریا هاتنه دیتن
باسنيوز:
دوو زارۆكێن ئێزدى كو ل ساله 2014ێ ژلایێ تیرۆرستێن داعش ڤه ل شنگال هاتبوونه رهڤاندن و د شهرێ باغوزێدا خۆ رادهستێ هێزێن دهسھلاتدار ل رۆژئاڤایێ كوردستانێ كربوون، دناڤ گرتیێن داعشدا هاتییه زیندانیكرن.
دهخیل ئهلیاس، بابى ئێك ژوان زارۆكێن ئێزدى یێ ساله 2014ێ ژلایێ داعش ڤه هاتیه رهڤاندن، وێنهیێن وی دناڤ تیرۆرستێن داعش دا ل زیندانێن سووریا بهلاڤ بوینه بۆ (باسنیوز) راگههاندكو: “ساله 2014ێ دهمێ جینوسایدا شنگال چێبوویی، 14 كهس ژ مالباتا من ژلایێ تیرۆرستێن داعش ڤه هاتنه رهڤاندن. ل وێ دهمێ كورێ من ریاز دژیێ 12 سالیدا بوو دهمێ هاتیه رهڤاندن. ئهڤه پتر ژ سالهكێ یه دناڤ زیندانێن رۆژئاڤایێ كوردستانێ دا دناڤ تیرۆرستێن داعش دا هاتیه زیندانكرن “.
ئاشكهرا كركو: “ل رۆژا 3/8/2014ێ ئهم ل رامبووسێ بووین ل قهزا شنگال ل وێ دهمێ تیرۆرستێن داعش سێ كهس ژ مالباتا من دگهل خێزانا برایێ من سهعهد دهستهسهركرن. دهمێ ئهم رهڤین ژبهر تیرۆرستێن داعش ئهم چووینه چیایێ شنگال ل وێدهر ئهز چاڤهرێ قورتالبوونا برا و زارۆكێن خۆ بووم. خهلك گهلهك هاتنه چیایێ شنگال بهرهڤ ههرێما كوردستانێ هاتن لێ خێزانا من نهشیا خۆ رزگاربكهن ل نیزیك چیایێ شنگال كهڤتنه زالگهههكا تیرۆرستێن داعشدا ل وێ دهمێ ئێكسهر كچهكا من پهیوهندى ب من كر ئهز بخۆ ل چیایێ شنگال بووم كچا من گۆت ئهم كهڤتینه ناڤ دهستێن تیرۆرستێن داعش دا هاتنه رهڤاندن. ههتا ههیڤا پێنچ سالا 2015ێ زارۆكێن من دگهل من دئاخڤتن ل تهلهعفهر بوون بن دهستێ تیرۆرستێن داعشێدا “.
ئاماژه دا وێ چهندێ ژى كو: “ههر كهسهكێ ژ دهستێن تیرۆرستێن داعش رزگاربوو ئهز چوومه دهڤ من پسیارا چارهنڤیسێ زارۆكێن خۆ ژێ دكرن من گهلهك پسیارا كچ وكورێ خۆ كرن مخابن من تشتهكێ ژێ نوزانى. گهلهك كهسێن ژ دهستێن تیرۆرستێن داعش رزگاربوون دگۆتن مه زارۆكێن ههوه یێن دیتن ئهڤه نیزیكى سالهكێ یه وێنهى ( رهیاز) و و ( سهیف) ههردوو زارۆكێن مه نه ناڤ زیندانهكا وهلاتێ سووریایێ دایه نه بتنێ زارۆكێ من ناڤدایه بهلكو گهلهك كهسێن ئێزدى یێن سالا 2014ێ ژلایێ تیرۆرستێن داعش ڤه هاتینه رهڤاندن دناڤ زیندانێن وهلاتێ سووریا دانه لهورا مه دڤێت ڤهكۆلینهك دگهل بهێته كرن”.
دهخیل ئهلیاس گۆت: “تیرۆرستێن داعش مێشكێ زارۆكێن رهڤاندى خراب كریه كارتێكرن ل سهر وان كریه لێ زارۆكێن مه نه تیرۆرستێن داعشن بهلكو تیرۆرستێن داعش سالا 2014ێ ل شنگال رهڤاندینه ب زۆرداریێ مێشكێ وان خرابكرینه لهورا ئهم دخوازین دهستههلاتێن رۆژئاڤایێ كوردستانێ ڤهكۆلین دگهل ههموو كهسێن ناڤ زیندانێن خۆ دا بكهن وههموو رهڤاندیێن ئێزدى بهێنه رزگاركرن چونكو ئهڤه ههشت سالن خهلكێ چاڤهرێ رزگاركرنا زارۆكێن خۆ دكهن “.
ئهو ژى دیاركر: “ل شهرێ باغوز وهلاتێ سووریا ل وێ دهمێ زارۆكێ مه خۆ رادهستێ هێزێن دهستههلاتدار ل رۆژئاڤایێ كوردستانێ كرن زارۆكێن من یێ رهڤاندى ژى دگهل تیرۆرستێن داعش برینه ناڤ زیندانێدا بهرى باغوز بهێنه رزگاركرن ژبن دهستێن تیرۆرستێن داعش ب رۆژهكێ یان دوو رۆژان كچهكا ئێزدى یا رزگاربووى گۆت من زارۆكێ ههوه رهیاز یێ دیتى ل باغوز یێ ساخه. بتنێ مه دڤێت ڤهكۆلین بهێته كرن وزارۆكێ مه ئاشكرا بن”.
ل دووماهى ژى گۆت: “گهلهك رهڤاندیێن ئێزدى ماینه ناڤ زیندانێن سووریادا تیرۆرستێن داعش مێشكێ وان خراب كریه دبیت هندهك ههبن هێشتا نهوێرن خۆ بدەنه ناسكرن بۆ هێزێن رۆژئاڤایێ كوردستانێ لهورا مه دڤێت ڤهكۆلین دگهل وان بهێته كرن كهسێن ئێزدى بهێنه رزگاركرن”.
تُتاح هذه الصورة أيضا في: کوردی