رێڤهبهرێ کاروبارێن ئێزدیان:ئيساله هەفت گۆڕێن بكۆم ل شنگال دێ ئێنه ڤهكرن
باسنيوز:
رێڤهبهرێ کاروبارێن ئێزدیان بۆ (باسنیوز) راگههاندكو: “ژ بهر خهمساریا بهغدا خهلكێ شنگال ساله 2014ێ تووشى مهزنترین جینۆساید بوون ژ ئهگهرى خهمساریا بهغدا ڤالاتیا ئهمنى چێ بوو و تیرۆریستێن داعش خۆ گههاندنه شنگال خهلكێ تووشى کۆمەڵکوژی كرن ئهڤه حەوفت سال ب سهر جینۆسایدا شنگال ڤه بۆرین هیشتا بهغدا دانپێدان ب كهیسا جینۆسایدا شنگال نهكریه “.
سعود مستۆ، رێڤهبهرێ کاروبارێن ئێزدیان ل وهرزارهتا ئهوقاف و کاروبارێن ئایینى ههرێما كوردستانێ بۆ (باسنیوز) دیاركر:” برینێن ئێزدیان بتنى بجه ئێنانا دادپهروهرى دهێنه دهرمانكرن ههتا دادپهروهرى نهبیت ئێزدى دێ بریندار بن ژبهر جینۆسایدا ب سهرێ خهلكێ شنگال هاتى ساله 2014ێ پێدڤیه تیرۆریستێن داعش ههموو بهێنه سزادان داكو ئێزدى ههست دادپهروهرى بكهن دناڤ عێراقى كهسوكارین قوربانیێن جینۆسایدا شنگال گهلهك وێ داخوازى دكهین كو ههموو گۆرێن بكۆم بهێنه ڤهكرن و ناسنامهیێن قوربانیان ئاشكرا بن “.
ئاماژه دا وى چهندى ژى كو: “خهمساریهكا مهزن بهرامبهر كهیسا ئێزدیان ژلایێ بهغداڤه هاتییه كرن پشتى حەفت ساله هیشتا بهغدا ددانپێدان پێ نهكرییه و گۆرێن بكۆم ههموو ڤهنهكرینه ئهڤرۆكا ژى 22/2/2022ێ رۆژهكا گهلهك نهخۆشه ل شنگال ژبهر ههلدانا گۆرێن بكۆم ل حهردان كو ژ سهرجهمێ پتر ژ 80 گۆرێن بكۆم بتنى 21 گۆرێن بكۆم هاتینه ههلدان ئهڤرۆكه ژى ل حهردان حەفت گۆرێن بكۆم ههنه كو ل دۆریانا حهردان گۆرێن بكۆم ههنه ههتا 80 روفاتان ناڤدا ههنه گهلهك نهخۆشه بۆ كهسوكارین قوربانیان پشتى حهفت ساله ژ نوكه گۆرێن بكۆم یێن دهێنه ڤهكرن ئهڤه بوویه ئهگهر جارهكا دێ برینێن كهس و كارێن قوربانیان نوى بن”.
ل جینۆسایدا شنگال 2014ێ تیرۆریستێن داعش دناڤ پتر ژ 82 گۆرێن بكۆم خهلك گوللهبارانكرن وڤهشارتن و ههتا نوكه 20 گۆرێن بكۆم یێن هاتینه ڤهكرن 325 روفات ژناڤ یێن هاتینه دهرئێخستن ههموو ژى بۆ نوژداریا داد ل لهغدا هاتبوونه هنارتن ههتا نوكه ناسنامهیێن 145 روفاتان ئاشكرابووینه.
ل جینۆسایدا شنگال ساله 2014ێ پتر ژ شهش هزار كهسان ل شنگال هاتنه رهڤاندن و بێسهروشینكرن ژلایێ تیرۆریستێن داعش ڤه ههتا نوكه ب ههڤكاریا نڤیسینگهها رزگاركرنا رهڤاندیێن ئێزدى پتر ژ سێ هزار 550 رهڤاندیێن ئێزدى ژ ههردوو رهگهزان یێن هاتینه رزگاركرن و هیشتا چارهنڤیسى پتر ژ دوو هزار و700 رهڤاندییان دیارنینه.
باسم حهمۆ مراد، ئێكه ژ قوربانیێن جینۆسایدا شنگال بۆ (باسنیوز) دیاركر: “تیرۆریستێن داعش كچ و ژن و زارۆك رهڤاندن ل بازارى مووسل و رهقه كرین و فرۆتن ب خهلكێ شنگال كرن ههتا نوكه ژى چارهنڤیسى گهلهك ژ وهلاتیێن شنگال دیار نینه، مخابن ل سهر ڤێ تاوانا مهزن دهولهتیێن جیهانێ خۆ بێدهنگ دكهن، هیشتا ههڤكار نهبوویه بۆ رزگاركرنا رهڤاندیێن ئێزدى ههروهسا ژى بۆ ڤهكرنا گۆرێن بكۆم ژى پێنگاڤ سست هاتینه هاڤیتن، ئهم هیڤدارین تیرۆریستێن داعش ژى بهێنه سزادان”.
تُتاح هذه الصورة أيضا في: کوردی