بنگەهێ لالش:شێخ شامۆ دیرۆكەكا پری شانازی و سەرفەرازی تۆماركر
تۆرا لالش/دهۆك
ئیرۆ رۆژا شەمبوویێ 2/4/2022دەستەیا بلندا بنگەهێ لالش كۆمبوونا خۆ یا ئاسایی ب سەرۆكایەتیا حاكم بەرجس جێگرێ سەرۆكێ بنگەهێ لالش و ب ئامادەبوونا ئەندامێن دەستەیا بلند و بەرپرسێن تایێن لالش ئەنجام دا،تێدا چەندین تەوەر هاتنە بەحسكرن.
ل بەراهیێ بەرێز حاكم بەرجس جێگرێ سەرۆكێ بنگەهێ لالش ب درێژی بەحسێ رۆلێ خودێ ژێ رازی شێخ شامۆ كر و دیاركر كو 30 سالا ژ تەمەنێ خۆ خزمەتەكا پر سەرفەرازی بۆ جڤاكا كوردێن ئێزدی تۆماركر ب تایبەت ژی 29 سالێن بێ ڤەقەتیان ژ كار و خەباتا وی ل بنگەهێ لالش،دووپاتكر ژی كو كەد و خەباتا شێخ شامۆ ل بنگەهێ لالش دێ مینت بەشەك ژ سەرفەرازیا دیرۆكا بنگەهی.
هەر دكۆمبوونێ دا بەحس ل پێشهاتێن نوو یێن عێراقێ وكوردستانێ و رەوشا ئێزدیان ب گشتی و رێكخستنا كارێ بنگەهێ لالش،سەرەدانا سەماحەتا بابا شێخێ ئێزدیان و شاندێ دگەل دا بۆ پەرلەمانێ بەلچیكا هاتە كرن،دیسان بریار هاتە دان دەستەیا بلند ب گشت تایی ونڤیسینگەهێن خۆ ڤە سەرەدانا مەزارێ نەمران بكن وەك وەفاداریەك بۆ خەباتا بارزانیێ نەمر.
دتەوەرەكێ دی دا جێگرێ سەرۆكێ بنگەهێ لالش حاكم بەرجس دیاركر؛ل جەژنا سەرێ سالا ئێزدیان ئەوا دكەفتە رۆژا 20/4/2022هەموو تایی و نڤیسینگەهێن لالش هاریكاریا خێزانێن هەژار و كێم دەرامەت بكن.
ژلایەكێ دی ڤە چەندین بابەتێن گرێدایی كارێ ناڤخۆیی یێ دەستەیا بلندا بنگەهێ لالش ،تایی ونڤیسینگەهێن وی و بزاڤ و چالاكیێن بنگەهێ لالش هاتنە گوتۆبێژكرن.
تُتاح هذه الصورة أيضا في: کوردی