بنگەهێ لالش 124ساليا رۆژا رۆژنامەگەریا کوردی ساخكر
تۆرا لالش:
ب هەلکەفتا سالڤەگەرا رۆژنامەگەریا کوردی کو دکەفتە 22ى نيسانا 2022 و دەرچوونا ئێکەم رۆژنامە بناڤێ (کوردستان) ل پایتەختێ میسرێ،بنگەهێ لالش باعەدرێ ب هەڤکاری دگەل ئامادەیا باعەدرێ رابوون ب سازکرنا سمینارەکێ بۆ نڤیسەر و پێشمەرگە و هۆزانڤانێ مەزن و خودانێ شیان “ئەدیب چەلکی”ل ژێر ناڤ و نیشانێ (رۆژنامەگەری و زمانێ کوردی) ل هۆلا ئامادەیا باعەدرێ یا تێکەل ب ئامادەبوونا ههژمارهكا كهسايهتى و مامۆستا و قوتابيان.
ل بهراهيێ”خهلات باعەدری” بەرپرسێ بنگەهێ لالش تايێ باعەدرێ بخێرهاتنا تەڤایا ئامادەبوویان کر،پاشی وەک ڕێز بۆ شەهیدێن بزاڤا ڕزگاریخوازا کوردی سەرکێشێ وان بارزانیێ نەمر ڕێورەسمێن سمینارێ دەستپێکرن.
د سمینارێ دا نڤیسەر و هۆزانڤانێ مەزن ئەدیب چەلکی بەحس ل رۆلێ زمانان د پاراستنا کەلتۆر و نەتەوە و داب و نەریتان ب گشتی كر و چەند مللەت وەکو نموونە ئینانە زمان و چاوانیا لەیستنا زمانێن وان وەک هۆکارەک بۆ مانە گەلان ب رێيا نڤیسین و زیندیکرنا کەلتۆر و فلکلۆری و دیرۆک… هتد.
د تەوهرەکێ دیتر دا چهلكى تیشک ئێخستە سهر ئۆلا ئێزدیان و رۆلێ ڤێ ئۆلێ د پاراستنا ناسنامە و دیرۆک و داب و نەریت و قورتالکرنا زمانی ب رێيا تێکست و نڤیسینان.
ژلايهكێ دى ڤه ئاماژە دا رۆلێ رۆژنامەگەریا کوردی د بهێزکرن و پێشێخستنا زمانی ب درێژاهیا سالێن بۆری، دیسان تەکەز ل سەر خالێن بالکێشێن ل دۆر دەڤەرێن ئێزدیان وئەو هەڤركیێن پەیدادبوون پێخەمەت بنبرکرنا گەنجینەیا زێرین یا کهلتۆری ل دەڤەرێ، زێدەباری بەحس ل چەندین پرس و بابەتێن بالکێش یێن پەیوەندیدار ب بابەتی و رۆلێ رۆژنامێ بۆ ئامادەبوویان دانە خویاکرن.
ل داویێ ژی چەندین پرسیار و رۆنکرن و پێشنیار ئاراستەی سميناربێژى هاتنە کرن و ب بەرسڤدانا تەڤایا پرسیارا ئەو کەش و هەوایەکی دلڤەکر و دلخۆشکەر و سەرهنجڕاکێش ئهڤ چالاكى هاته ئهنجام دان.
ئهديب چهلكى ،خودانێ گەنجینەکا دوور و درێژە و کاروانەکی درێژە د دۆماندنا خزمەتێ دا و چەندین شاکار و داهێنانێن جيێ رێزێ هەنە،مینا پەیڤێن بەیتا لالش و سەمفۆنیا شنگال و… هتد،کو کەسەکە شونپەنجێن جوان و بالکێش هەنە د دیرۆکا خەباتا گەلێ کورد یا سیاسی و رەوشهنبیری و هۆنەری دا.
تُتاح هذه الصورة أيضا في: کوردی