بنگەهێ لالش تايێ باعەدرێ ههژمارهكا کرێکاران خهلاتكرن
تۆرا لالش:
ب هەلکەفتا ئێکی ئەیارێ وەك سالرۆژا جیهانی یا کرێکاران و پێخەمەت پیرۆزباهیکرن ل کرێکاران و ئاگەهدار بوون ژ رەوشا وان و خەلاتکرن ل کەد و خزمەتا وان، بنگەهێ لالش تايێ باعەدرێ سەرەدانا کرێکارێن شارەوانیا باعەدرێ کر.
ئیرۆ رۆژا ئێك شەمبوویێ 1ى ئهيارا 2022 بنگەهێ لالش تايێ باعەدرێ سەرەدانا کرێکارێن شارەوانیا باعەدرێ کر ل جهێ کاری و جوانترین و گەرمترین پیرۆزباهی ئاراستەی ئەڤێ تەخا ماندوونەناس کرن.
د سەرەدانێ د بهرێز خهلات باعەدری بەرپرسێ بنگەهێ لالش تایێ باعەدرێ و شاندێ دگەل دا ب ڤێ هەلکەفتێ ئەڤ رۆژا جیهانی ل تەڤایا کرێکارێن جیهانێ و کوردستانێ پیرۆزکرن و ب تایبەت یێن سنوورێ ناحیا باعەدرێ و تەکەز کر کو ئێکە ژ جەژنێن کێم وێنە کو جیهان هەموو پێکڤە دکەت دیەک رۆژ دا،دا زانین ژى کو تێکوشین و خزمەتا وە هەردەم جهێ تەقدیرێ یە و ژ چینێن گرنگێن جڤاکی نه.
لدووڤدا هەموو کڕێکار ب دیاریێن بنگەهێ لالش تایێ باعەدرێ هاتنە خەلاتکرن دکەش و هەوایەکی جوان و دلڤەکر و هەبوونا گرنژینێن جوان ل سەرسەروسیمایان ئەڤ ڕێورەسمە ب داوی هات.
بۆ زانين ئەڤ چالاکیە سالانە دئێتە بیرئانین ژلایێ بنگەهێ لالش تايێ باعەدرێ ڤە،وەك وەفاداری بۆ کەد و خەباتا ڤێ جینا ماندوونەناس.
تُتاح هذه الصورة أيضا في: کوردی