“ئەرکێ حكومهتا ههرێمێ یه هەمی پێدڤیان بۆ ئاوارەیێن شنگالێ دابین بکەین”
گاڤ نیوز:
حسێن کەلاری، رێڤەبەرێن گشتیێ ناڤەندا هەڤبەشا هەماهەنگیا قەیرانان ل وەزارەتا ناڤخۆ ئەڤرۆ د کۆنگرەیەکێ رۆژنامەڤانی دا ل دهۆکێ راگەهاند؛ حکومەتا هەرێما کوردستانێ ب ئەرکێ خۆ دزانیت کو هەمی پێدڤیێن ئاوارەیێن نوی یێن شنگالێ دابین بکەت و گوت: ژ ئەڤرۆ وێڤە هەر خێزانەکا ئاوارە بهێتە دهۆکێ دێ ل ناڤ کەمپان هێتە جهگیرکرن.
کەلاری د کۆنگرەیێ رۆژنامەڤانی دا گۆت: هندی هێزێن دەرڤەی یاسایێ ل ناڤ شنگال و دەورۆبەرێن وێ هەبن و رێککەفتنا بەغدا و هەولێرێ یا ئاساییکرنا شنگالێ نەهێتە بجهئینان، دێ رەوشا شنگالێ یا خراب بیت و چاڤەرێ دکەین هێشتا ئاوارە بهێن.
حسێن کەلاری ئاماژە دا وێ یەکێ کو ئەو خێزانێن هاتین د ئازادن ل دەرڤەی کەمپان بمینن، لێ ل سەر حەز و بەرپرسیارەتیا خۆ.
ژبەر شەر و ئالۆزیێن ناڤبەرا هێزێن یەپەشێ و سوپایێ ئیراقێ یێ ڤێ دوماهیێ هەتا نوکە پتری 700 خێزانێن شنگالێ دوبارە ئاوارەی پارێزگەها دهۆکێ بوون.
تُتاح هذه الصورة أيضا في: کوردی