بنگەهێ لالش دێ كۆنگرێ خۆ یێ چاردێ گێرت
تۆرا لالش/دهۆك
ئیرۆ شەمبوویێ 18ی حوزەیرانا 2022،دەستەیا بلندا بنگەهێ لالش یێ رەوشەنبیری و كۆمەلایەتی،كۆمبوونا خۆ یا ئاسایی ئەنجام دا و بریاردا كو دەست ب بەرهەڤیێن گێرانا كۆنگرێ چاردێ یێ بنگەهێ لالش بێنە كرن.
ب سەرپەرشتیا بەرێز”حاكم بەرجەس” جێگرێ سەرۆكێ بنگەهێ لالش و ئەندامێن دەستەیا بلند و بەرپرسێن تایان،كۆمبوونا ئاسایی یا بنگەهێ لالش هاتە ئەنجام دان و چەند تەوەرێن گرنگ تێدا هاتنە گوتۆبێژكرن.
دكۆمبوونێ دا جێگرێ سەرۆكێ بنگەهێ لالش دیاركر؛كو بریار هاتە دان دەست ب بەرهەڤیێن گێرانا كۆنگرێ چاردێ یێ بنگەهێ لالش بێنە كرن و پشتی گەنگەشەكێ دكۆمبوونێ دا،بریار هاتە دان كۆنگرە دناڤبەرا(20_25/7/2022)بێتە ئەنجام دان و چەند لژنەیێن جودا جودا ژ دەستەیا بلند وەك ئامادەكاری بۆ ب رێڤەبرنا كۆنگرەی هاتنە پێكئینان.
دتەوەرەكێ دی یێ كۆمبوونێ دا رەوشا نۆكە یا شنگالێ هاتە گەنگەشەكرن و كوشتنا سڤیلان و بوردۆمانكرنا شنگالێ ژلایێ بالەفرێن توركیا ڤە شەرمەزاركرن،هەروەسا دوپات ل وێ چەندێ كرن كو هەبوونا هێزێن نە شەرعی ل شنگالێ بوویە ئەگەرێ هندێ ژیانا خەلكێ سڤیل بكەفتە دمەترسیێ دا.
ل داویا كۆمبوونێ گەنگەشە دناڤبەرا ئەندامێن دەستەیا بلند و بەرپرسێن تایان،ل سەر گرنگترین كار و بزاڤ و چالاكیێن بنگەهێ لالش دا هاتە كرن.
تُتاح هذه الصورة أيضا في: کوردی