ژ وەشانێن نوو یێن دەستەیا بلندا بنگەهێ لالش
تۆرا لالش:
پەرتۆكا(كەڤۆكێن سیها تاووسێ) یا میدیاكار و نڤیسەرێ گەنج كاروان حەجی ئێكەم بەرهەمێ وی لژێر چاپێ یە،ل نێزیك دێ كەفتە بەردەستێ خوەندەڤانان ناڤەرۆكا وێ ل سەر ستۆریێن ژنێن ئێزدیانە.
ئەڤ پەرتۆكە چەندین بابەتان بخۆڤە دگرت و بۆ سەر چەند زمانان وەكو(كوردی و عەرەبی و ئینگلیزی و توركی)هاتینە وەرگێران و تێدا بەحسا ستۆریێن ژنێن ئێزدیان دكەت كو د كۆمكوژییا ئێزدیان ل شنگالێ جانێ خۆ فیدا كرینە و بووینە سەمبۆلێن ئازایەتیێ و ژ234 ستوریان پێكهاتیە.
ئەڤ بەرهەمە ب سەرپەڕشتیا كەسانێن تایبەتمەند دبیاڤێ مەدیایێ دا هاتینە دروستكرن مینا مامۆستا شۆرەش حەسەن و سیروان خالد،هەروەسا نڤیسەری ئەڤ پەرتۆكە كریە دیاری بۆ گیانێ قارەمانیێ و بەرخۆدانا ژنێن ئێزدیان و گیانێ پیرۆزێ سەركردەیێ دیارێ ئێزدی یێ هەردەم خۆ ل گەنج نڤیسەر و رەوشەنبیرێن ئێزدیان كریە خودان خودێ ژێ(شێخ شامۆ)، كو پێشەكی یا وێ ژلایێ نڤیسەرێ بەرناس یێ كوردستانێ شەمال ئاكرەی ڤە هاتیە نڤیسین و ژلایێ مللەت مەحمەد هاتیە دیزاینكرن، پەرتۆك نهۆ ل ژێر چاپێ یە ل وەلاتێ ئیرانێ.
ئەڤ پەرتۆك ژ وەشانێن دەستەیا بلندا بنگەهێ لالش یێ رەوشەنبیری و كۆمەلایەتی یە ل دهۆكێ،كو ل نێزیك دێ كەفتە بەردەستێ خووندەڤانان.
تُتاح هذه الصورة أيضا في: کوردی