گەنجەكێ ئێزدی ب باشترین یاریزان هاتیە هەلبژارتن
تۆرا لالش:
گەنجێ ئێزدی لوەی سەفەر كرێت،كورێ ناحیا باعەدرێ یە و ئێك ژ هێرشبەرێن تەپاپێ یێن زیرەك و ژێهاتی یە،پشكداری دچەندین خۆل و قارەمانیێن وەرزشی دا كریە و ب باشترین یاریزان هاتیە هەلبژارتن.
لوەی سەفەر،بۆ رۆژناما دەنگێ لالش دیاركر،ئێك ژ حەژێكەرێن یاریا تەپاپێ بوویمە و بەردەوام راهێنان دكرن تا سالا 2015ئێكەم تیما ملی دگەل یاری كری تیما باعەدرێ یا هەڤالێن دلسۆز بوو،بەردەوامیا یاریێن خۆ نێزیكی پێنچ سالان یاری بۆ تیمێن ملی ل هێلا هێرشبەریێ دكر،ژبەركو ئاستەكێ باش ئەنجامدا دگەل تیمێن ملی و هاتمە داخوازكرن بۆ یانا خەتارێ بۆ ماوێ سالەكێ یاری دگەلدا ل خۆلا عێراقێ یا پلە دوو یاری كر.
دیاركر ژی دگەل هەفت تیمێن ملی یێن سنوورێ قەزا شێخان یاری كریە و بتر ژ 30 ناسناڤێن تاك و كۆم بدەستخۆڤە ئیناینە،ل خۆلا قەسرۆكێ یا سالانە سەر ئاستێ هەرسێ قەزایێن شێخان و بەردەرەش و ئاكرێ خەلاتێ باشترین یاریزان بدەستخست،دیسان ل خۆلا پێكڤەژیان ل سنوورێ دەشتا نەینەوا و قەزا شێخان وەك باشترین یاریزانێ گەنج هاتمە هەلبژارتن.
دا زانین ژی خەونا وی ئەوە ل پاشەرۆژێ دگەل ئێك ژ یانەیێن جیهانی یێن بەرنیاس یاریێ بكت.
تُتاح هذه الصورة أيضا في: کوردی