بنگەهێ لالش باعەدرێ جڤینەک بۆ پەرلەمانتارەکی پەرلەمانێ عیراقێ رێکخست.
تۆرا راگههاندنا لالش
ل رێکەفتی 27ی تەباخا 2022ێ و ب مەرەما ئاگەهداربوون ل سەر رەوشا عیراقێ و کوردستانێ ب گشتی و ئێزدیان ب تایبەت و کاودانێن نها یێن ئالۆز یێن عیراقێ، بنگەهێ لالش تایێ باعەدرێ جڤینەک بۆ پەرلەمانتارەکی پەرلەمانێ عیراقێ ل باخچێ هۆلا باعەدرێ یا بیرەوەریا رێکخست ل دۆر (رەوشا عیراقێ و کوردستانێ ب گشتی و ئێزدیان ب تایبەتی).
ب ئامادەبوونا ژمارەکا زۆر ژ کەساتەیێن میری و حزبی و ئۆلی و رەوشنبیر و رێکخراوێن پیشەیی و جەماوەرکی ژ تەخ و چینێن جودا جودایێن باعەدرێ و دەڤەرێ جڤینا ناڤبری ب رێڤەچوو.
ل دەستپێکێ بەڕێز (خلات باعەدری) بەرپرسێ بنگەهێ لالش تایێ بخێرهاتنا تەڤایا ئامادەبوویان کر ل دووڤدا جڤینێ دەستپێکر.
پەرلەمانتار (شریف سلێمان علي) پەرلەمانتارێ پەرلەمانێ عیراقێ سەر ب لیستا پارتی دیموکراتی کوردستان بۆ ئامادەبوویان بەحسا رەوشا عیراقێ و کوردستانێ ب گشتی و ئێزدیان ب تایبەت دا زمان و ئاماژە دا رەوشا نها یا عیراقێ و ئالینگاری و ئالۆزیێن یێن عیراق تێدا دەرباز دبن.
دیسان وەکو سەرۆکێ لیژنا کۆچ و کۆچبەران ل پەرلەمانێ ناڤبری چەندین پرس و بابەتێن بالکێش دانە خویاکرن دەربارەی رەوشا ئاواران و زێدەباری چەندین بابەت و خالێن بالکێش کو ژلایێ بەڕێزی ڤە بۆ ئامادەبوویان بەحس کرن، زێدەباری گوهدراکرنا پرسیار و پێشنیار و تێبینیێن ئامادەبوویان.
ل داویێ دان و ستاندنەکا گەرم لدۆر بابەتێ جڤینێ دناڤبەرا پەرلەمانتاری و ئامادەبوویان هاتە گەنگەشەکرن و بەرسڤا پرسیارێن ڕێزداران هاتە دان.
تُتاح هذه الصورة أيضا في: کوردی