وهكیلێ میرێ ئێزدیان:ئێزدى پێتڤى ب تفاق و ئێكرێزیێ نه
تۆرا لالش یا راگههاندنێ/سهگڤان شنگالى
وهكیلێ میرێ ئێزدیان بۆ كاروبارێن پهیوهندیان دیاركر كو دڤێت ههموو ئێزدى بهرژهوهندیێن ئێزدیاتیێ ل سهر بهرژهوهندیێن خۆ یێن تایبهت ب دانن و ئێزدیان ل ههموو دهمان پێتڤى ب تفاق و ئێكرێزیێ ههیه.
جههوهر عهله بهگ،وهكیلێ میرێ ئێزدیان بۆ كاروبارێن پهیوهندیان بۆ دهنگێ لالش دیاركر،ههموو دهما ئێزدى پێتڤى ب تفاق و ئێكرێزیێ نه،چنكو ئێكرێزى سهرێ ههر تشتى یه و كۆمبوونا ڤێ داویێ یا میرێ ئێزدیان حازم تهحسین بهگ دگهل سهرۆك هۆز و كهسایهتیێن ئێزدیان ل پهرستگهها لالش هاتى كرن پێنگاڤهكا باش و پێتڤى بوو دڤێ رهوشا نۆكه دا،دڤێت ههموو ئێزدى بهرژهوهندیێن ئێزدیاتیێ ل سهر بهرژهوهندیێن خۆ یێن تایبهت ب دانن و ههر لایهنهك باگراوهندێ خۆ یێ سیاسى و ئایدلۆژى د خزمهتا ئێزدیاتیێ دا بكاربینت و ههر ئالیهك دهستا ژ هنهك بهرژهوهندیێن خۆ بهردهت،بۆ وێ یهكێ ئێزدى ڤێ رهوشا نهخۆش دهرباز بكن و جارهكا دى خهلكێ شنگال ڤهگهرته سهر جیێن خۆ ڤه و شنگال ئاڤهدان ببت.
تهكهزكر ل وێ چهندێ كر،بانگا مه بۆ ههموو ئێزدیان وژدانێ خۆ بكاربینن و ل سهر مێزا دانوستاندنێ دگهل یهك كۆم ببن،چنكو ب ململانێ چ كهس ناگههته ئارمانجا بهلكو ل سهر مێزا دانوستاندنێ ئێزدى دكارن چارهسهریان ژ بۆ ڤێ رهوشا نهۆ تێدا ببینن.
س.س
تُتاح هذه الصورة أيضا في: کوردی