35% پهرستگهها لالش هاتیبه نووژهنكرن
تۆرا لالش یا راگههاندنێ /دلگهش نهواف
پهرستگهها لالش پیرۆزترین پهرستگهها ئێزدیانه ل جیهانێ،ئهڤه بۆ ماوێ سێ سالانه كار ل سهر نووژهنكرنا پهرستگههێ دئێته كرن،ههتا نۆكه نێزیكى35% ژ پرۆژهى تهمام بوویه.
خالد نهرمۆ،سهرپهرشتێ پرۆژێ نووژهنكرنا پهرستگهها لالش بۆ دهنگێ لالش ئاشكهراكر،پهرستگهها پیرۆزا لالش ب شێوهكى كهڤنار دئێته نووژهنكرن ئهڤه بتر ژ سێ سالان بهردهوام كار ل سهر دئێته كرن و 35% ژ پهرستگهها لالش هاتیه نووژهنكرن ب پشتهڤانى یا حكومهتا ههرێمێ و حكومهتا عێراقێ و كۆنسلخانه و خێرخوازێن ئێزدیان،ههتا نهۆ بتر ژ شێست و پێنچ نیشانگههـ و ئاقهد و پرۆژێن خزمهتگۆزارى ل پهرستگههێ هاتینه نووژهنكرن،نۆكه ژى ئاقدا میر ئامادین و سجادین و غهفورێ رێیا و چهندین ئاقدهیێن دى دئێنه نووژهنكرن،دهرگههێ پهرستگهها لالش ژى دقۆناغا داویێ دایه و ل نێزیك دێ ئێته ڤهكرن.
بابه چاویش،ئێك ژ زهلامێن ئۆلى یێن ئێزدیان بۆ دهنگێ لالش گۆت:پشتى میرێ ئێزدیان و جڤاتا رۆحانى دگهل مللهتێ ئێزدى كۆمبووین بریار دان دهست ب نووژهنكرنا نیشانگههـ و ئاقهدهیێن پهرستگهها پیرۆزا لالش بێته كرن چهندین ئاقهد و نیشانگههـ یێن ل پهرستگههێ هاتینه نووژهنكرن،نۆكه ژى چهندین ئاقهد و نیشانگههـ و دیوارێ بنیا خهفورێ رێیا و هندورێ شیخادى دئێنه نووژهنكرن بهردهوام كار ل سهر دئێته كرن،دناڤ خهلكى دا دئێته گۆت كو دراڤێ نووژهنكرنێ دئێته خوارن و جیێن كهڤنار دئێنه ژناڤبرن ئهڤ ئاخفتنه دوورن ژ راستیێ،یا گرنگ پاراستنا جیێن كهڤناره ل پهرستگهها لالش و ئهم خۆ گونههبار و شهرمهزارى مللهتێ خۆ ناكهن و دگهل ئهڤێ چهندێ نینین.
شێخ سلێمان شێخ زێدۆ,مجێورێ ئامادین بۆ دهنگێ لالش خویاكر،پشتى چهندین نیشانگههـ و ئاقهد هاتینه نووژهنكرن مریدێن ئامادین ژى بریار دا ئاقهدا خودانێ خۆ نووژهن بكن،ل شوباتا سالا 2022دهست ب نووژهنكرنا وى هاته كرن ب شێوهكى كهڤنار نهۆ دقۆناغا داویێ دایه بهرى جهژنا جهمایێ دێ ب تهمامى ئێته نووژهكرن ب ئامادهبوونا بابێ شێخ و جۆقهتا وى و مللهتێ ئێزدى درێورهسمهكا ئۆلى دا دێ ئێته ڤهكرن.
س.س
تُتاح هذه الصورة أيضا في: کوردی